Skredfjellet dagen derpå (13.05.2026)  

Etter flott, men slitsam tur til Grovabreen i går, og sidan veret ikkje var like strålande, satsa vi på ein mindre krevjande tur i dag. Vi køyrde frå Jølster til Førde og så til Sande, deretter opp Storedalen. 60 kroner i bompengar var vel anvendte pengar. Vi parkerte i setergrenda og gjekk opp god stig som vi følgde heilt inn dalen til Storedalsskardet. Derifrå var det ikkje stig lenger, men vi tok av opp til høgre opp fjellsida. Vi surra litt i det småkuperte fjellandskapet, men fann greitt fram til varden. Vindstille og flott rundskode frå toppen, dermed låg det til rette for lang hyggjeleg matpause. Blægja låg rett fram og vi snakka om turen som vi har til gode dit.
Tilbake fann vi ein betre trasé og gjekk rett ned til skardet att. Dermed var det berre å følgje dalen ut. 4,5 time på tur inkludert matpause og nokre stopp. 9,7 km, 485 hm. Anne og Knut var med.