Archive - Date
Favourite trips
Favourite peaks
Grøvelnebba og Dronningkrona
- Date:
- 08.04.2024
- Duration:
- 6:13h
- Distance:
- 23.4km
Heldigvis vises ikkje stiv kuling på stillbilete! Ein skikkeleg grom-dag i Sunndalsfjella, til trass for at ein måtte halde fast i samtlige eigedelar for at det ikkje skulle blåse bort. Brukbart skiføre i austvendt side ned frå Mohaugen, og totalt bedritent i vestvendt ned frå Dronningkrona. Toppen av Grøvelnebba var den plassen med minst vind på heile turen - alldeles strålande å få lagt inn litt ryggrangling når skiføret ikkje var noko å skrive heim om.
Kongskrona, Tritindan og nesten-Hesten
- Date:
- 03.04.2024
- Duration:
- 9:05h
- Distance:
- 26.8km
Ein stordag på Vinnubreen! Starta tidleg frå parkeringa med skia på sekken - fotsesongen starta tidleg i år. Fekk lagt inn ein liten runde i retning Sandvikhaugen, før ein kald visitt på toppen Kongskrona venta. Kald og tørr nysnø bidrog til særdeles godt skiføre frå toppen og ned i «botnen», før det på ny vart ein tur oppover i retning mot Sandvikhaugen. Først med eit forsøk på Hesten, som enda med at vi snudde litt nedanfor toppen, og deretter med eit vellykka besøk på Tritindan.
Fløtatind, Henrikbotnnebba og Litjskjorta
- Date:
- 30.03.2024
- Duration:
- 7:46h
- Distance:
- 20.0km
Storslagen runde i Øksendalen - starta tidleg frå Brandstad med lovnadar frå meteorologen om skyfri himmel. Vi forstod tidleg at det ikkje kom til å bli riktig slik, og akkurat i det vi nådde toppen av Fløtatind tetta det seg til og vi fekk ein snøeling rett i ansiktet. Etter litt venting på betre sikt manøvrerte vi oss ned til Saufjellet på hardt og dårleg skiføre. Deretter gjekk turen over Henrikbotnnebba og vidare opp til Litjskjorta. Litt mjukare snø å finne her, så turen opp frå Brandstadskaret gjekk med ski på beina, før det vart til fots siste biten opp til Litjskjorta. Retur via Kannsdalen og etterkvart på fin sløsj ned til skoggrensa.
Åbittind og Trolltind
- Date:
- 28.03.2024
- Duration:
- 3:31h
- Distance:
- 14.5km
Lurt av Yr.no nok ein gong, men denne gongen med positivt forteikn. Vind og overskya var bytta ut med sol og vindstilt - sesongens desidert varmaste dag på ski så langt.
Ytre Sula
- Date:
- 27.03.2024
- Duration:
- 2:18h
- Distance:
- 10.6km
Eit kort forsøk opp mot Indre Sula vart fort forkasta på isete underlag. Rusla opp på Ytre Sula og sklei nedatt på temmeleg stussleg skiføre.
Hårstadnebba og Kalknebba
- Date:
- 09.09.2023
- Duration:
- 6:04h
- Distance:
- 13.1km
Ein sensasjonelt fin haustdag i Sunndalsfjella. Først til Hårstadnebba, deretter over Kalknebba på returen.
Langrabbpiken, Hårstadnebba, Kalknebba og Litjkalken
- Date:
- 19.08.2023
- Duration:
- 4:34h
- Distance:
- 15.9km
Ein skikkeleg gromrunde i mektige Sunndalsfjell. Godt egna for den som er glad i steinur
Store Trolla
- Date:
- 18.08.2023
- Duration:
- 3:54h
- Distance:
- 12.9km
Uten tvil ein av Trollheimens flottaste toppar, om ikkje den gjevaste av dei alle. Formidabel utsikt i alle himmelretningar denne dagen
Innerdalstårnet
- Date:
- 17.08.2023
- Duration:
- 3:53h
- Distance:
- 18.6km
Klassikertur i Innerdalen. Klassisk nordmørsver med skodde som kom og gjekk, og som sjølvsagt letta i god tid etter at toppen var besøkt. Som alltid folksomt på tur til Innerdalstårnet