Midtre Skagastølstinden (20.08.2011)

Eg og Jørn hadde i lang tid planlagt å gå Skagastølsryggen og Styggedalsryggen. Væmeldinga var langt fra optimal men me hadde kun denne helga eller evt neste helg til dette. Langtidsvarselet ga ikkje noko håp om store forbedringer i været neste veke og då bestemte me oss om å kjøre på denne helga og sjå kva muligheter været gav oss.

Me ankom Turtagrø fredag og la oss til i lavvo. Om kvelden var det ein periode med ganske bra vær og me fekk sett opp på ryggen. Me kunne sjå at det var snø på toppane men kor mykje var vanskelig å seia. Me bestemt oss for at uansett vær so skulle me gå på Nørdre og sjå det an. Kl 0540 var me i gang. Det gjekk i javnt tempo innover mot Tindeklubbhytta der me skrodde oppover. Me gjekk for det meste i skodde. Ura oppover mot Nørdre var grei og gå og det var godt varda oppover. Etter 3t og 10min var me på toppen. Her tok me på oss noko meir klær og tok da likegodt klatreutstyret ut av sekken.

Videre mot Nebbet var det greit å gå men det vart meir og meir snø. Me tok oss greit ned i V-skaret uten rappell. Klatringa opp V-skaret gjekk greit men tok naturligvis litt lenger tid enn om det hadde vert tørt.

Frå Berges stol til Midtre var det ikkje aktuelt å gå usikra under dagens forhold. Det var egentlig grei klyving/klatring men det var eit parti mot Styggedalsbreen som var svært utsatt og glatt. Her fekk eg problemer med at tauet kilte seg og det vart eit voldsomt taudrag. Det enda med at eg til slutt ikkje kom lenger og måtte lage ny standplass.

Når me etterkvart kom opp på Midtre letta skodda og me fekk eit flott skue mot Storen. Det låg bra med våt snø bortover ryggen mot Halls Hammer og me bestemte oss for å snu her. Det hadde sikkert gått fint å fortsette men det er berre å innsjå at ting tar tid når det er vått og sleipt. Me var fornøyd med dagen likevel og tok oss skikkelig god tid på toppen.

På returen vart det 4 rappeller ned i v-skaret. Frå V-skaret var det greit å klyve opp usikra. Me gjekk ikkje oppom Nørdre på returen men traverserte under toppen på vestsida. På returen begynte det og blåse og etter kvart kom også snøbygene. Når me kom ned i dalen forbi Tindeklubbhytta kom det ei skikkelig regnskur. Men kven brydde seg, me hadde hatt ein flott dag i fjellet og i lavvoen venta kald pils :-)
Søndag morgen kom eit Seaking og landa rett ved lavvoen. Ut kom to klatrere. Kanskje har dei hatt ei kald natt på ein av toppane i området. Jørn var ei stund redd for at heile lavvoen skulle blåse overende då helikopteret landa.
Bilder:
http://www.utifriluft.com/2000mtoppersommarogvinter/Midtre-Skagastølstinden/18642859_82S5hp#1441000598_GPX2rbm