Archive - Date
Archive - Activity
-
Ski trip (31)
- Backcountry skiing (12)
- Randonnée/Telemark (19)
-
Trip by foot (50)
- Alpine trip (2)
- Hillwalk (43)
Favourite peaks
Midtre/Store Tverrbottind
- Date:
- 23.08.2020
- Characteristic:
- Hillwalk
- Duration:
- 5:30h
- Distance:
- 7.7km
Fin tur med Knut Tønnes over Midtre og Store Tverrbottind med retur ned Leirløyfte. Fint vêr oppover ryggen til Midtre, men så kom skysystema over oss, og det vart minimalt med utsikt vidare bortover ryggen.
Foto: Knut Tønnes
Fuktig tur på Kyrkja
- Date:
- 22.08.2020
- Characteristic:
- Hillwalk
- Duration:
- 4:45h
- Distance:
- 8.8km
Regnfull dag på Leirvassbu, men likevel ein fin tur på Kyrkja med Inge og Knut Tønnes.
Kremtur til Stetind
- Date:
- 15.08.2020
- Characteristic:
- Hillwalk
- Duration:
- 6:30h
- Distance:
- 11.2km
Ein av sommarens finaste dagar var eg og Petter på Stetind. Vel nede etter ein flott tur overnatta vi ved Leirvatnet i wigloen. Perfekt tur med perfekt turfylje.
Ryggjehøe familietur
- Date:
- 14.08.2020
- Characteristic:
- Hillwalk
- Duration:
- 5:19h
- Distance:
- 8.2km
Flott familietur tur/retur Glitterheim-Ryggjehøe med Monica, Ivar og Petter . Såg ingen folk heile turen, men møtte 3 tamrein på få meters avstand.
Store Memurutindtraversen
- Date:
- 07.08.2020
- Characteristic:
- Hillwalk
- Duration:
- 15:00h
- Distance:
- 23.2km
Flott tur med Hans Morten.
Dette er ein artig og luftig ryggtravers! Ein del småutfordringar undervegs, men det meste løyste seg greit med nokre omgåingar i sørsida. Detaljert skildring av ryggen her . Vi hadde med sikringsutstyr, og brukte det på eit par utsette stader. Vel nede i Memuruskaret sette vi att sekkane, og gjekk opp på Austre Memurutind . Her var tauet i bruk opp den bratte hammaren. Tett skodde hadde no kome sigande frå sør, og det var null utsikt. Retur same veg og vidare over Veobrean attende til Veoskaret.
Vi var til slutt oppom Sør for Leirhø , som vi tidlegare har gått forbi fleire gonger utan å vere klar over at det er ein "topp".
Storgrovhøe og Storgrovtind
- Date:
- 31.07.2020
- Characteristic:
- Hillwalk
- Duration:
- 10:19h
- Distance:
- 13.7km
Flott tur i nydeleg vêr med Andrea og Frode til Storgrovhøene. Vi la i veg frå Ytterdalssætre retning Heimre Illåbrean, og det var uproblematisk å krysse Heimre Illåe på høgde 1275 der den deler seg i fleire småbekkar. Etter at vi hadde lagt Illågjelet bak oss, såg vi at det også hadde vore kurant å krysse elva oppe ved breen. Vidare la vi kursen vestover over eit par moreneryggar og inn på lettgåtte snøfonner oppover mot Storgrovhøe. Det var ei formidabel utsikt som åpenbara seg når vi kom opp på ryggen! Frå Fremste var det spesielt fin utsikt ned i Bøverdalen, og her trefte vi dei 3 einaste personane vi såg på denne turen. Lettgått på ryggen over til den 6 meter høgare Bakarste Storgrovhøe .
Det var framleis tilnærma vindstille på toppen når vi sette oss ned for å nyte utsikta. Frode ville >>>
Styggehøtraversen
- Date:
- 25.07.2020
- Characteristic:
- Hillwalk
- Duration:
- 9:30h
- Distance:
- 16.7km
Flott rundtur med Iver på Styggehøe i nydeleg sommarvêr.
Vi kryssa Visa over ned nye brua ved Leirgrove og gjekk opp til den vesle breen på nordaustryggen. Vidare oppover breen, og så lett kliving det siste stykket til Ø2.
Vi fulgte så ryggen vestover heilt til V2. Morsom, smal rygg nedover frå hovudtoppen og vestover med diverse småproblem, som er lett å omgå i sørsida. Spesielt fin er V0, som vissnok blir kalla "Ørnehodet" . Retur via kanten på Bukkeholsbrean og ned til Bukkeholet.
Rasletinder
- Date:
- 01.06.2020
- Characteristic:
- Randonnée/Telemark
- Duration:
- 6:24h
- Distance:
- 16.3km
Det er framleis bra med snø på Valdresflya, og vi avslutta vi pinsa med ein ettermiddagstur til Rasletind. Det flotte pinsevêret held fram og vi gjekk i shorts heilt til topps.
Vi gjekk "sommerløypa" og det var greit føre opp til Øystre (2010).
Det vart litt ski-bering ned frå denne fortoppen, og deretter greit opp til Rasletinden.
På nytt litt bering ned frå toppen og så rusla bort til Sørvestre Rasletinden. Med sine 10 meter primærfaktor rager denne steinhaugen av ein topp høgt på lista over dei aller stusslegaste fjelltoppane i Noreg. Men dette skulle altså vise seg å bli Andrea sin topp nr 100 (2k 10pf). Vi kunne kanskje planlagt noko meir majestetisk blant kongerikets stolte fjelltopper, men topp er topp. Det blir feiring på Sentralen i Lom med det fyrste!
Retur >>>
Pinseparadis på Skeie og Østre Sokse
- Date:
- 30.05.2020
- Characteristic:
- Randonnée/Telemark
- Duration:
- 9:49h
- Distance:
- 15.9km
Superpinse på Sognefjellet med fantastisk vêr og føre.
Dagens hovudmål var Skeie, og vi ville prøve oss opp snørenna frå Leirbrean. Vi gjekk opp til det lågaste punktet på ryggen mot Veslebjørn og parkerte skiene der. Så traverserte vi ut til høgre for å runde ein berghammar og så opp eit snøfelt . Snøfeltet gjekk etterkvart over i ei snørenne, som enda i ein kamin opp mot eggen. Kaminen var bar for snø, men hadde store og gode tak. Det var temmeleg bratt oppover, men det var heldigvis godt feste i snøen for både stegjern og isøks. Oppe på eggen tok vi av tauet, for eggen vidare opp mot toppen var rimeleg grei. Vi avla deretter vesttoppen eit lite besøk. Uproblematisk ut hit. Retur same veg attende til skiene.
Vêret var stadig like flott, og det var for tidleg å køyre >>>
Skagsnebb
- Date:
- 25.04.2020
- Characteristic:
- Randonnée/Telemark
- Duration:
- 6:19h
- Distance:
- 9.5km
Skagsnebb - ein av Jotunheimens finaste skitoppar? I dag klaffa i alle fall det meste: nydeleg vêr - nydeleg føre - nydeleg nedkøyring på tørr nysnø!
Veldig folksomt i Leirdalen og på Hurrbrean i dag. Vel oppe i skaret mellom Skagsnebb og Bakaste Skagsnebb tok vi fatt på eggen mot toppen. Etter eit kort parti på bart fjell tok vi på stegjern. Smal, luftig og fin egg, men greit å gå.
