Archive - Date

Archive - Activity

Collected lists

Topptur vart til nedtur

Date:
15.12.2019
Characteristic:
Randonnée/Telemark
Duration:
2:45h
Distance:
7.0km

Årets første topptur mot Raunekletten via Kalbakk med tidsfrist på maks 4 timar. Tullete seier du? Det har du rett i. Tanken var kanskje god. Kalbakk er sannsynlegvis den raskaste - og hardaste - vegen til Raunekletten på sommarstid. På vinterstid, derimot, er han kun den hardaste. Det var mi avgjerd forresten. So var det sagt. Dette har tross alt Eirik kravd at kjem på trykk. Uansett, vi kava oss oppover i tung snø heilt til klokka sa stopp. Då var vi i overkant av 50 høgdemeter unna Kalbakk. So nær, men likevel so fjern. So vart det litt køyring/ramling nedover i skjønn foreining med kvist og grein. Eirik gadd ikkje eingong å ta av seg fellene. Ei erfaring rikare; aldri meir topptur via Kalbakk-stien.

Map    

Bruhjellstølen

Date:
01.12.2019
Characteristic:
Hillwalk
Duration:
1:30h
Distance:
5.5km
Map    

Hølsete

Date:
12.10.2019
Characteristic:
Hike
Distance:
5.0km

Kjappis til Hølsete med hunden. Bilen ved Åberge. Trolsk hauststemning ved stølen.

Map    

Sundagstur til Kalbakk

Date:
06.10.2019
Characteristic:
Hillwalk
Distance:
6.0km

Rask tur med hund og broremann til Kalbakk-stølen i jævleg bra ver. Jammen er vi heldige som har bein å gå på i detta landet!

Map    

Mugnetinden - endeleg!

Date:
04.10.2019
Characteristic:
Hillwalk
Distance:
10.7km

Den årlege kara-turen med Jon K. og Arve måtte naturlegvis falle på same helga som mormor sin 90-årsdag. Det betydde at eg kun fekk 1 tur med gutan`denne gongen, på fredagen. Vi hadde fundert litt på om vi skulle prøve oss på Høgdebrotet, men slo det fort frå oss då vi såg kva tilstand fjellet var i. Så då vart det Mugnetinden i staden - det fjerde forsøket for min del på denne toppen. Klår til avreise. Så bar det oppover på snødekt mark/sti. Det var jammen godt eg hadde med gamasjar. Toppen nådd, og alle er nøgde. Klårt og fint lyst på toppen, sjølv om det var lite utsikt å sjå mellom skodda. Eit sjeldent augeblunk der Arve faktisk erkjenner å ha teke feil i ein diskusjon på veg nedover. Synd eg ikkje hugsar kva det gjaldt. vegen ned att.

Map    

Amlaholten, som vanleg

Date:
28.09.2019
Characteristic:
Hillwalk
Duration:
2:00h
Distance:
5.0km

Jenta gjekk frå start til botn og guida attpåtil opp verste røklet. Litt sliten på slutten sjølvsagt, men dette var ikkje verst!

Map    

Over fire kommunetoppar i råten snø

Date:
21.09.2019
Characteristic:
Hillwalk
Distance:
26.5km

Tradisjonen tru starta det sjølvsagt med ein diskusjon, og deretter ein krangel. Arnold var som vanleg skeptisk til snøforholda i fjellet - og med rette denne gongen skulle det vise seg. Problemet var uansett timinga. Å hevde at vi no skulle sjå på ei alternativ rute, lengje etter at turplanen var HOGD I STEIN, var ikkje mindre enn HELLIGBRØDE! Forslaget hans vart difor raskt, og bryskt, avvist av underteikna. I den same steinen stod det og at avreisetidspunktet skulle vere 08.45. Krangelen starta då Eirik, lett tilbakelent i stolen med ein god kopp kaffi i neven, melde at han nok ville verte 10 minutt forseinka som følgje av at "badet var oppteke". Årsaka var elendig planlegging, med andre ord. Stemninga vart heller ikkje betre av at vår kjære sjåfør - og mor - kom vasande >>>

Map     2 comments

Fjelltur etter stoppeklokka

Date:
08.09.2019
Characteristic:
Hillwalk
Distance:
8.1km

Kona måtte til Oslo med flyet om kvelden, og difor vart ikkje dette meir enn stressmarsj frå A til Å. Etter eit lite feilskjær før brua nede ved Anestølen, starta eg å følge stien oppover dalen. Stien forsvant fort i lyngen. Så då vart det nye feilskjær først mellom busk og bregner, og deretter over våtaste myra. Resultatet vart sprengde lunger før eg nådde Tverråni. Ein liten pause der eg naut utsikta, og inntok energi var heilt nødvendig. Det førde likevel til at eg var bak skjema. Og det skulle snart vise seg umuleg å innhente den tapte tida. Frudalsbreen Og slik fortsatte det oppover fjellet. Konstant bak skjemaet. Eg nådde ikkje eingong Sogndalseggi før eg fant ut at det var best å snu. For no var eg komen til eit punkt det verken var fint eller kjekt lenger. Det var >>>

Map    

Frå Åberge til Bjedlastølen

Date:
07.09.2019
Characteristic:
Hike
Duration:
2:00h
Distance:
3.8km
Map    

Lett vralting til nærmaste fjelltopp

Date:
07.09.2019
Characteristic:
Hillwalk
Duration:
2:00h
Distance:
3.8km