Archiv - Nach Datum
Peakbookfreunde
Gesammelte Listen
Lieblingsgipfel
Hananipa
- Datum:
- 12.10.2021
- Tourcharakter:
- Bergtour
- Tourlänge:
- 2:30h
- Entfernung:
- 6,0km
Turen til Hananipa frå Skulstadvegen er ei perle av ein tur! Me gjekk ein tysdag føremiddag i haustferien, så det var ikkje så mange andre ute og gjekk, så me fann ledig parkering på den vesle parkeringsplassen oppe ved den siste garden i Skulstadvegen. Me følgde vegen, gjennom grinda, til endes ved Skulstadvatnet. Her følgde me skilta til venstre langs vatnet og opp i lia. Veret var aldeles nydeleg, kaldt og stilt og sol frå klår himmel. Etter kvart som me steig i høgda, låg frosten framleis på marka, og vel oppe var det godt å ta på både lue og vantar. Utsikta frå Hananipa er rett og slett storslått: Sørfjorden ligg nedanfor, stupbratt beint ned, Osterøy tvers over. Uansett kor du snur deg, ser du langt og lenger enn langt. Det er ikkje mange turar eg har gått som har >>>
Nordfjell i Kvinnherad
- Datum:
- 11.10.2021
- Tourcharakter:
- Bergtour
- Tourlänge:
- 2:30h
- Entfernung:
- 6,0km
Måndag i haustferien tok me turen nordover til Kvinnherad. Planen var å gå til Kviteggjo sør for Rosendal, men det viste seg at ferjene mellom Skålevik og Matre ikkje gjekk så ofte, og når vermeldingane for ettermiddagen var heller elendige, bestemte me oss for å ta over fjorden til Utåker i staden og heller finne ein tur der slik at me kom oss avgarde mens veret enno var OK. Valet fall då på Nordfjell mellom Utåker og Husnes. Me svingte av ved Valen sjukehus og parkerte på ein parkeringsplass like ovanfor sjukehuset. Herfrå følgde me grusveg og traktorveg oppover skråninga. I stiskiljet eit stykke oppe tok me til høgre og passerte hytta på Oldebotn. Me fortsatte oppover, og oppe på flaten over tregrensa kom me til eit nytt stiskilje. No tok me til venstre i staden for å >>>
Marsteinfjellet
- Datum:
- 26.09.2021
- Tourcharakter:
- Bergtour
- Tourlänge:
- 3:30h
- Entfernung:
- 9,0km
Me kom litt seint avgarde denne søndag ettermiddagen, så sola som hadde vore framme før på dagen, forsvann bak skyene, og det kom òg litt yr på veg opp. Men heldigvis heldt skodda seg vekke slik at me fekk eit inntrykk av den fantastiske utsikta over Ørsdalsvatnet som openberra seg då me kom på toppen. Dette er ein skikkeleg flott tur i nydeleg og variert terreng: skog, myr, små vatn, fjell. Turen kan gås som ein rundtur, men me gjekk fram og tilbake same veg - det funka fint det òg. Utsikta er jo annleis den andre vegen uansett!
Nonsknuten og Bukkaknuten
- Datum:
- 05.09.2021
- Tourcharakter:
- Bergtour
- Tourlänge:
- 3:00h
- Entfernung:
- 6,3km
3. gong gjeld det! Onsdag i påskeveka gjorde me fyrste forsøk på turen til Bukkaknuten og Nonsknuten - den gong med start frå Veraland. Vermeldinga viste rett nok skya, men langt fra den skodda som varte heile turen! Så det var ikkje så mykje me såg verken av utsikta utover fjorden eller ned i dalen. Så eg gjorde eit nytt forsøk ein formiddag eg hadde fri. Strålande sol heime i Stavanger då eg køyrde innover, men trur du ikkje skodda låg grauttjukk? Eg starta då frå Tengesdalsvatnet og gjekk berre til Nonsknuten før eg snudde - eg gadd rett og slett ikkje ta heile runden når eg ikkje såg ein skit likevel. Så, søndag 4. september var tredje forsøk. Denne gong var dei berømte vêrgudane med oss, og me fekk både sol og utsikt. Ein flott rundtur brått opp frå Tengesdalsvatnet, >>>
Løvstakken
- Datum:
- 04.09.2021
- Tourcharakter:
- Bergtour
- Entfernung:
- 5,0km
Av og til misunner eg bergensarane - ikkje for regnveret, men for turmoglegheitene dei har rett utanfor bykjerna! Så når ein dagstur til Bergen baud seg, greip eg sjansen. Ein køyretur på 4 timar kvar veg frå Stavanger var så absolutt verdt det når målet var ein tur til Løvstakken i strålande sol og sommarver!
Me parkerte på Melkeplassen og følgde merka tursti heile vegen fram. Du skal ikkje så veldig høgt opp i lia før utsikta viser seg. Så ikkje gløymt å sjå deg litt tilbake når du går oppover, ta gjerne ein pustepause på ein stein og nyt synet over Byfjorden. Turen opp til Løvtakken er ikkje lang, berre 2,5 km kvar veg, men turen er nydeleg - herleg terreng å gå i med godt tilrettelagt tursti.
Er det klårver, så bør kikkerten vere med i sekken. Eg klarte å sjå >>>
Molden
- Datum:
- 04.08.2021
- Tourcharakter:
- Bergtour
- Tourlänge:
- 3:30h
- Entfernung:
- 8,0km
Etter mi meining er Molden i Luster ei perle får toppar kan måle seg med! Utsikta på toppen over den turkisblå Lusterfjorden er éin ting, men turen opp frå Krossen er berre ein så vakker tur! Ein går fyrst gjennom lauvskog og litt på grusveg, før ein slyngar seg oppover i terrenget igjen. Utsikta kjem etter kvart, og ved den gamle stølen Svarthiller er det heilt naturleg - og spør du meg, obligatorisk! - å ta ein pause og berre ta inn det vakre. Turen vidare oppover er heller ikkje spesielt tung, sjølv om det sjølvsagt er motbakke. Stien er god å gå på, så berre nyt det! Hald til høgre i eit umerka stiskilje når du nærmar deg toppen slik at du kan gå ut mot kanten ned mot Lusterfjorden og verkeleg ta inn utsikta. Det finaste utsiktspunktet i heile Luster, står det på >>>
Dronningstien
- Datum:
- 02.08.2021
- Tourcharakter:
- Bergtour
- Tourlänge:
- 6:00h
- Entfernung:
- 14,0km
I lang tid hadde me planlagt vestlandsferien, og med tanke på kva del av landet dette er snakk om, kunne veret ha vore så mangt fyrste veka i august. Men var så heldige som me kunne vore: strålande sol frå skyfri himmel alle dagane! No skal det seiast at då me køyrde langs Sørfjorden på veg til Kinsarvik, såg me låge skyer og noko som kunne minne om skodde som låg over toppane. Det uroa oss litt, og då me parkerte bilen på Røte og traska oppover grusvegen letta det ikkje akkurat. Skyene og skodda låg framleis og lurte då me gjekk over i terrenget, men i det stien svinga utover mot fjorden igjen, klarna det og me fekk strålande sol resten av turen. Og for ein tur Dronningstien er! Panoramautsikt langs Sørfjorden heile vegen. Fantastisk flott terreng å bevege seg i - det er >>>
Skomakernibbå
- Datum:
- 16.07.2021
- Tourcharakter:
- Bergtour
- Tourlänge:
- 4:00h
- Entfernung:
- 11,0km
Hjelmeland har mykje flott å by på når det gjeld turmoglegheiter, og turen til Skomakernibbå må truleg stå blant dei aller øvste på lista! Tur/retur frå parkeringsplassen på Hagalid er det omtrent 11 km, og turen går fram og tilbake same veg. Etter du har passert gårdstunet etter parkeringsplassen, går du fyrst på traktorveg oppover lia. Deretter skal du bratt opp i skaret til Økstrafjellet. Det er bratt, men ikkje så langt, så ta den tida du treng, og stopp og nyt utsikta som kjem til syne etter kvar som du stig i terrenget. Når du er vel oppe, kan du senke skuldrane, for no er det "strake vegen" over den flate heia bortover mot sjølve Skomakernibbå. Utsikta både innover Jøsenfjorden og utover Boknafjorden (om du snur deg og ser bakover) er formidabel!
Sjølve >>>
Bandåsen - Stavanger har fått ein fjelltopp!
- Datum:
- 13.07.2021
- Tourcharakter:
- Bergtour
- Entfernung:
- 2,6km
Før kommunesamanslåinga i 2020 var Stavanger paddeflat, og mange vil nok hevde at det er byen fortsatt, men me har uansett fått oss ein topp som er høgare enn 500 mot: Bandåsen på Ombo! Med hytte på Halsnøy i Ryfylke, og Ombo som næraste "øy-nabo", så skulle ein kanskje tru at dette var ein plass eg hadde vore før, men nei, det var fyrst i juli 2021 at me tok ferja over sundet og køyrde til Seltveit for å gå til Bandåsen. Og ein kan verkeleg undrast over at eg ikkje har vore vore der før! For ein nydeleg liten tur! For ein topp! For ei storslagen utsikt! Det er ulike plassar ein kan starte turen til Bandåsen frå, og ein kan òg gå opp éin stad og ned ein annan om ein har to bilar. Me gjekk t/r Seltveit.
Siggjo
- Datum:
- 10.07.2021
- Tourcharakter:
- Bergtour
- Entfernung:
- 2,5km
Øya Bømlo i Vestland fylke har éin topp som ruvar høgt over alle dei andre: Siggjo! Ein laurdag i juli baud anledninga seg til å ta ein dagstur til Bømlo, og Augustus og eg nytta høvet til å gå til denne toppen som me hadde både høyrt og lese om. Frå parkeringsplassen langs fylkesvegen går du rett opp på merka tursti i terrenget. Og det går oppover heile tida. Eg opplevde stien som nokså krevjande å gå i pga masse røtter og store steinar, så eg vil tru at i vått ver må det ikkje vere heilt enkelt å gå der. Men for all del, det er ein flott tur - nydeleg natur og etter kvart flott utsikt bak deg mot Stord og vidare innover. Stien er òg svært godt tilrettelagt med bruer og kjettingar å halde seg i der det er aller brattast. Så all honnør og stor takk til dei som har gjort dette! Turen >>>
