Vindstille

Date:

29.10.2014

© Anneli Horgen Endå ein vindstille, snøfri dag! Fann traktorvegen like før Kvammen og traska denne dei 6 km inn mot foten av Mørkdalstuva. Traktorvegen er lagd av torva han går over, og denne dagen var torva ganske våt. Det kjendes mest ut som å vere på glattisen fordi føtene heile tida gjekk litt ned og sklei litt rundt. Det vart mest s eg hoppa frå tuve til tuve alle kilometrane innover. Men likevel: All ære til han - for eg trur det er ein han - som har laga vegen! Trur eg hadde kjent meg ganske motlaus etter ei stund over den evig lange myra... Men turen var flott med haustfargar, regnbogar og -byger som kom og gjekk, glitrande småvatn og faktisk ein riktig så kvit hare! Ein vestlending kunne like seg her :-) Fann ingen sti mot toppen - lette ikkje heller - men høgda er overkommeleg og toppen >>>

Turens siste

Date:

29.10.2014

© Anneli Horgen Siste tur i dette trønderraidet. Kom frå Hitra. Vêret hadde snudd. Det meste av turen hadde eg hatt vindstille og sol, men regnet som hadde byrja så smått på Hitra, hadde verkeleg sett inn. Særs lite freistande å krabbe seg ut av bilen, men ruta stod klart i hovudet etter turen til Omnsfjellet dagen føre, så det var berre å skride til verket. Starta turen like etter brua nede i Vutudalen og følgde dalen innover, men ikkje så langt som til Tverrelva. Tok opp skråninga og kjende sterkt på at eg var grundig lei av å krafse meg oppetter småbratte skråningar med lyng for å nå ein topp!!! Godt mogleg det er naturleg når ein har gjort unna vel 300 kommunetoppar... Hadde det ikkje vore så korte dagar nett no, hadde eg nok vald å ta toppen frå den andre sida. Ser det er noko >>>

Kjedeleg topp

Date:

28.10.2014

© Anneli Horgen Har sjølvsagt ingen rett til å klage, for det er ikkje få som har anbefalt dette som skitopp, men eg syntest det var ein langdryg og kjedeleg tur. Godt mogleg dette var eit utslag av at det var tredje dagen på tur, og at myrene difor kjendes uendeleg tunge ut. Parkerte min lille raude på vegskuldra ved Strypen og gjekk i meir eller mindre rett line mot Lillegråurda og derifrå langs ryggen til topps. Strålande haustvêr og flotte vardar var godt etter strevinga opp myrene og fjellsida. Etter planen hadde eg tenkt å ta Gråurda i same slengen, men fann ut at eg heller skulle satse på å kome meg til Frøya før mørket kom og ta toppen der. Rutevalet opp til Gråurda vart imidlertid klart for meg - og det fekk eg jo nytte av seinare. Ned igjen frå toppen langs same linje som opp. Fann >>>

Besselvassheia

Date:

28.10.2014

© Anneli Horgen Følgde rapportane til Anders og Bberg og køyrde forbi Flatval. Svinga bilen inn ved turmerkinga mot Stutvassdalen og parkerte ved den første grinda. Den mintgrøne kommoden som er beskriven av Bberg, har nok havna på loppis, for han var ikkje å sjå ;-) Her var det berre å følgje grusvegen gjennom nokre grinder og forbi Grasdalsvatnet på høgre hand. Flott skilting der ein skal ta av frå vegen og vidare god opp og ned knausar og over nokre myrer til ein er på Frøyas formidable 76 moh! Fin tur. Eg koste meg. Tidleg mørkt på denne tida av året, så eg var igrunnen nøgd med dagens to kommunetoppar - Omnsfjellet og Besselvassheia. Tok inn på Frøya hotell. Det vart både forrett og hovudrett. Spesielt god mat.

Snøfritt i slutten av oktober

Date:

27.10.2014

© Anneli Horgen Ettersom snøen enno ikkje hadde lagt seg i trøndelag, var det fristande å ta nokre toppar medan eg var i området. Litt tung i kroppen etter gårsdagens tur til Smisettnebba og påfølgande 80-årskalas med kakebord ein ikkje ser makan til anna enn på Oppdal, vende eg nasen mot Hemne. Eg starta som fleire før meg, frå parkeringsplassen på Søylia. Fekk triveleg følgje tur-retur toppen av ein annan som heller ikkje hadde vore til topps før. Vi tok det heilsikre rutevalet opp langs stikkene, men ei meir rett line mot parkeringa ned igjen. Vindstille og sol og ein formidabel utsikt mot Trollheimen, heilt fritt for snø. Toppen er godt overkommeleg for familiar med barn.

I vind og blest

Date:

26.10.2014

© Anneli Horgen Ein 80-årsdag på Oppdal gav også moglegheit for litt fysisk aktivitet. Heldigvis hadde eg ikkje vore inne på yr.no og lest kva dei skreiv om vêret, for då hadde det nok ikkje blitt tur på meg! Måtte stoppe og spørje etter riktig avkøyring og fekk åtvaring om ikkje å blåse av toppen. Og blåse gjorde det! Grei sti oppetter lia, og vinden kjendes ikkje så mykje her. Toppen gav seg sjølv, og her kjendes vindkasta ganske så godt. Og jammen begynte det ikkje å regne også! Det vart ein kort fotoseanse før eg hutra ned igjen og vende nasen mot Oppdal og kakefata.

Raudmerking heilt opp

Date:

02.09.2014

Av ein eller annan grunn har eg kjørt forbi denne toppen gong etter gong, men no skulle han takast. Med mobs både bil og gps, og ein masse positiv omtale av toppen frå både sea og mob, var det berre å få det gjort. Tok av frå E6 inn mot Kvernmo og held meg mot høgre ved alle vegvalg. Endte opp på ein parkeringsplass noko unna revefarmen og beina opp engene og vidare gjennom bjørkeskogen til eg fann stien like v tregrensa. Sikkert ikkje det luraste vegvalet, men ikkje fullgale heller. Vil likevel anbefale å finne revefarmen... Det fine er at heile turen no er merka med raudt, så då eg først fann merkinga, var det ikkje mykje meir å gruble på! Merkinga tek ein til Læigassletta og den litle bua der, vidare opp skaret mot Britavatnet på 763 moh og fint opp langs ryggen til topps. >>>

Kan det bli betre?

Date:

31.08.2014

Det vart Anders og eg som måtte ta vare på det gode ryktet på Camp Nordantes andre dag ettersom både mob og sea valde å leggje inn ein kviledag(!)og heller ha sightseeing på Hamarøy. Dei om det. Vi hadde livleg diskutert forskjellige ruteval kvelden i førevegen, men ettersom Anders hadde damer liggjande og vente på seg i hellinga opp mot Gaskacohkka gjorde vi som mob, og køyrde heile Gjerdalen inn til foten av Reinoksfjellet og Juoksatjahkka - majestetiske, blankskurte fjell. Damene hadde allereie lagt i veg mot toppen, så Anders og eg halsa oppetter lia med flotte knausar og sva. Oppe ved vatne på 910, etter noko meir eller mindre heldig fotoshooting og lunsj, valde vi å gå til venstre. Ikkje noko dumt val, for her gjekk det fine hyller langs heile vatnet. Vi gjekk på berget >>>

Helldalisen

Date:

30.08.2014

Rask tur til Singapore

Date:

20.08.2014

Fekk bli med som vedheng på 1. klasse til Singapore, med eit opplegg der vi skulle t/r Oslo-Singapore på fire dagar. Vi valde enklaste løysing for å komme oss dit - taxi. Hoppa av ved informasjonssenteret og så var det i grunnen berre å stige oppover. Asfaltert veg heilt opp. Rimeleg klamt og varmt, men muleg det berre var vi som hadde litt jetlag og hadde levd for godt kvelden før... Elles såg vi med interesse på alle som så absolutt skulle gå baklengs - opp som ned - utan at det har freista oss å bringe trenden tilbake til nabolaget i Noreg.