Storebjørn + 4 småbjørnar (01.05.2021)

Skrevet av Esone (Einar Moen)

Turlengde	8t 01min
Distanse	18,1km
Høydemeter	1343m
GPS

Bestigninger	Bjørnelabben (2153moh)	01.05.2021 10:30
	Storebjørn (2222moh)	01.05.2021 10:30
	Veslebjørn (2150moh)	01.05.2021 10:30
	Veslebjørn Nord (2110moh)	01.05.2021 10:30
	Veslebjørn Sørøst (2075moh)	01.05.2021 10:30

Fantastisk tur i nydeleg ver på fyrste mai. God Bjørnefangst, då vi var innom 5 toppar over 2000 meter knytt til Storebjørn. Det var ein vanvittig utfartsdag. Alle skulle vist på Sognefjellet i dag. Opp Leirbrean var det 5 felts rando-spor. Fleire hundre personar gikk nok på Leirbrean i dag. Alle like blide. For utsikta heile dagen, 8 timar på tur, var fantastisk. Leirbrean med utsikta undervegs er noko av det vakraste ein kan oppleve med skia på i vårt vakre land. For meg var det andre gong på Storebjørn, medan Leirbrean og toppane rundt her var Maritas fyrste. Vi har vore på store Smørstabbtind på fottur i lag.

Sett bort frå at det var i overkant folksamt, gikk bestigningane greitt. Vi var såpass seint på Storebjørn, at den fekk vi ha for oss sjølve. Føret var prima, særleg opp i retning foten av Veslebjørn. Magiske krystaller i 15 cm laus fin snø. Og heldigvis gode spor. Kjøringa ned frå Storebjørn var grei, men mykje oppkjørt var det sjølvsagt. Mest moro frå Bjørneskardet og ned att til Krossbu.