Archive - Date
Archive - Activity
- Bike trip (6)
-
Drive (1)
- Car drive (1)
-
Ski trip (94)
- Backcountry skiing (67)
- Cross-country skiing (13)
- Trip by foot (332)
Peakbook-Friends
Collected lists
-
Seljord ≥ 100m pf.
(34/43)
79% -
Fylkestopper (Norge)
(8/11)
72%
-
Kommunetopper tom. 2016
(293/404)
72%
-
Telemark ≥ 250m pf.
(33/105)
31%
-
Tokke ≥ 100m pf.
(10/69)
14%
Favourite trips
Favourite peaks
Sollia - Herøy og Sande
- Date:
- 08.06.2024
- Characteristic:
- Hillwalk
- Duration:
- 2:42h
- Distance:
- 9.9km
Turliv i kombinasjon med dei nynorske festpela er ein god idé. Starta i dag med å køyre til Moltustranda, tulla litt før eg fann rett avkøyrsel (ta Gamlevegen opp til venstre). Så tabba eg meg litt ut ved å parkere på den første turparkeringa eg kom til, eg burde heller ha køyrt så langt eg kom mot bommen og parkert rett før den. Dermed blei turen 1-2 kilometer lengre enn den kunne ha vore, og ekstradistansen gjekk på kjedeleg veg. Men, men: Overskya, men høg himmel og vindstille då eg gjekk oppover vegen, opp til demninga i Mørkevatnet. Så stig på venstre side av vatnet, merka stigkryss etter den første bakken opp fra vatnet, der blei eg leidd mot venstre inn Lisledalen og opp neste kleiv. Ved varden der gjekk så stig bratt oppover mot høgre og toppen. Eg gjekk litt på >>>
Kongsvollen og Blåtind
- Date:
- 07.06.2024
- Characteristic:
- Hillwalk
- Duration:
- 3:51h
- Distance:
- 9.3km
Drog fra Ørsta og parkert i p-lommme i Ringstaddalen. Starta å gå ca kl 1030. Usikker vermelding, og ganske kaldt, men må seie det med ein gong: sjølv om eg måtte på med goretex og gjekk med ullpanneband, slapp eg unna det store regnet, berre nokre dropar innimellom, og då eg rasta på Kongsvollen var det sol. Det bles ein del, så serleg strekket mellom Kongsvollen og inn under Blåtind-toppen var litt surt.
Eg hadde snakka med kjentfolk og fått råd om å ta Kongsvollen først. Det trur eg var lurt, då blei det rake vegen nedatt fra Blåtind. Kongsvollen må ha fått namnet sitt fordi det er ein sånn fin graskledd runda topp "ein voll" for kongar. Blåtind er jo brattare, men oppstiginga var veldig grei der eg kom på stigen fra Kongsvollen. Eg er veldig glad for at eg >>>
liten ettermiddagstur frå Aasentunet
- Date:
- 06.06.2024
- Characteristic:
- Hike
- Duration:
- 1:13h
- Distance:
- 5.0km
Gjekk ein liten tur før middag i Aasentunet. Lars var med.
Vettakollen og runde i skogen
- Date:
- 23.05.2024
- Characteristic:
- Hike
- Duration:
- 4:00h
- Distance:
- 15.6km
Gjekk heimefrå i sommarver. Pusha opp ryggen til Vettakollen. Så rileg tur der det berre var å ta innnfull vår og fugleliv. År niste og bada i Oklungen, og tok enda eit bad i Sognsvann. Gjekk heilt heim til døra. 15,6 km, 4 timar, 458 hm. Gjekk aleine.
Perfekt maidag til Hjelmen
- Date:
- 15.05.2024
- Characteristic:
- Hillwalk
- Duration:
- 3:43h
- Distance:
- 7.0km
For ein dag! Etter Pyttegga overnatta vi på Thon hotell i Surnadal - deilig med dusj og komfort etter tre dagar på tur og dnt-standard. Etter god frukost køyrde vi til Settemsdalen og følgde t-merkt stig til toppen av Hjelmen. Fantastisk nydeleg dag. 17 grader og vindstille kl 10:30 då vi begynte å gå. Det var ikkje mykje flate parti oppover, jamn stigning heilt til topps, først gjennom bjørkeskog - med ny blåbærlyng og kvitveis - så over tregrensa med tidvis ganske bratte parti mot slutten, måtte bruke hendene og klyve nokre stader. Det lufta litt då vi kom over tregrensa, men det var i praksis vindstille då vi hadde drikke- og fotopause i 30 minutt på toppen. Fjorden låg blikkstille, kvite imponerande snøfjell i sør og øst, og vi kunne kjenne att Ruten og Innerbergsalen >>>
Supre tre dagar for å krysse av Pyttegga
- Date:
- 13.05.2024
- Characteristic:
- Backcountry skiing
- Duration:
- 16:00h
- Distance:
- 48.0km
Har lenge drøymt om denne turen, og denne gongen klaffa det for turfølget og med vêr og fridagar. Vi starta på Nordseter og køyrde til Brøste. Der snakka vi litt med ein bonde som sa at vegen vidare ikkje var køyrbar, og at vi måtte belage oss på skibering. Det stemte. Vi bar skia på sekkane nesten heilt fram til Kabben (5,5 km), og derifrå måtte vi av og på med skia fleire gonger fram til Tunga. Vi gjorde feil vegval og følgde sommarstigen på høgre side av elva oppover. Det blei eit mas med ski av og på, med kratt og myr, og med skigåing i lyng og myr. Dei siste par kilometrane var det gode femner å gå på. Vi brukte seks timar på 18 km! Vi var aleine i Puttbua, og starta å gå før kl 0900 måndag morgon. Sol og svak bris. I høgda bles dei meir. Vi følgde veldig grei >>>
Skogstur om Vettakollen
- Date:
- 10.05.2024
- Characteristic:
- Hike
- Duration:
- 4:45h
- Distance:
- 19.3km
Fin maidag. Ikkje veldig varmt, men fint å gå. Gjekk til Vettakollen først, både utsikten og bortom sjølve toppunktet, vidare til Fuglemyra og så rett fram til gamle Skjennungsvegen. Den følgde eg til Skjennungsstua der eg rasta. Så vegen til Ullevålseter, is i solveggen der, stig gjennom skogen til Lynhytta og austsida av Lille Oklungen. Gjekk heilt heim til døra. 19,25 km, 499 hm, var ute i 4 t og 38 min. Gjekk aleine.
Fuglafjellet frå Hamlagrø - kommune nr 300
- Date:
- 02.05.2024
- Characteristic:
- Backcountry skiing
- Duration:
- 9:30h
- Distance:
- 30.0km
Det blei Kvam som kommune nr 300 i topp-prosjektet. Verkeleg verdig jubileumstur blei det. Eg drog med buss til Notodden og overnatta hos Hallgrim slik at vi kunne starte tidleg 1. mai. Vermeldinga hadde varsla om det første sommarveret, og det slog til. Vi kom fram til Hamlagrøosen kl 1430, spiste litt, skifta og pakka litt om. Så gjekk vi dei to timane opp til Vending turisthytte. Varm ettermiddagssol. Vi var einaste gjester på denne fine sjølvbetente hytta. Då vi gjekk og la oss var det 10 plussgrader ute kl 2200!
Vi var ferdig vaska ut av hytta dagen etter til 0845, og starta å gå i 12 plussgrader.
Vi var i tvil om beste trasé opp, fjellet såg bratt ut frå alle kantar! Men vi valde å runde fjellet og gå ned Fugladalen, og heldigvis gav gamle skuterspor og skispor indikasjon på >>>
Bislingen igjen
- Date:
- 17.04.2024
- Characteristic:
- Cross-country skiing
- Duration:
- 2:15h
- Distance:
- 21.0km
Ny vårskitur. Starta 10:15 frå Myllsdammen, gjekk raskt på skarpt føre til Trantjern. Der kom eg ikkje vidare over myra i dag. Snøbrua frå måndag var smelta bort. Så eg snudde og gjekk opp til Bislingen frå Åssjøvika. Var bortom toppunktet på Bislingflaka, før eg rasta på same stad som måndag. Det skya dessverre over, så pausen var raskt unnagjort då det også starta å snø. Gjekk litt småavstikkarar der oppe før eg køyrde nedatt. 21 km, 360 hm, 2 t 16 minutt. Gjekk aleine.
