Holedalsfjellet med fleire (10.05.2025)  

Ny dag, nye toppar saman med ddmbeast (David Dagestad Myklebust). Vi var på førehand litt usikre på snøforholda innover Skjerdingsdalen, men vi tok sjangsen denne flotte dagen i mai. Parkerte bilen litt over 10 ved Grasdalstunnelen. Ein del høgdemeter nedover i grov ur før vi kom til elva. Ved elva følgte vi råsa/kutrakket langs austsida av elva. Måtte gå nokre kilometer før vi måtte snøven. Begge hadde blitt så fulle i gjørme så det gjor ingenting at vi måtte vasse over elva til vestsida før vi hadde på skia.

Dette var første skikkelege varme dagen i 2025. Tungt føre. Etter fleire omkledningspauser nådde vi sørenden av det lågaste av Skjerdingdalsvatna. Her la David nokon flotte sikkar opp til ryggen mellom Sør for Holedalsfjellet og punkt 1569. Av med skia eit punkt før 1569. Lettgått vidare til Holedalsfjellet. Retur same veg før vi følgte ryggen vidare mot Sør for Holedalsfjellet og vidare over punkta Nautbreen Ø1 og Ø2. Dagens beste skiføre ned til den vestlege delen av Nautbreen. Etter besøk av Vest for Nautbreen gjekk vi opp att til lågaste punktet over Skjerdingsdalsbotnen. Svært blaut nedkjøring til vi møtte spora vi satte tidlegare på dag. Like vått og gjørmete første delen av Skjerdingsdalen før råsa vart tørrare. Tunge høgdemeter oppatt til bilen, kanskje hadde det vore betre å parkere ved Skjerdingdalssætra. Uansett, ein flott dag med nye toppar i ryggsekken!