Gumøyknutane (08.08.2024)  

To 10-ferga frå Kragerø. Starta med å gå til Revsås og Kreppa. Målet var å sjå havørna som eg hadde sett i Kreppa i fjor - og det gjorde vi!
Så gjekk vi opp til Østre Gumøyknuten og spiste nista der med spektakulær og luftig utsikt mot Jomfruland og resten av Kragerø-skjærgården. Fortsatte ned til golfanleggget på Østre Gumøy, og gjekk vegen nesten til endes ved Vestre Gumøy før vi skar inn til høgre frå grusvegen, og dinest rett opp frå stigen mot toppen. Ulendt, men svake spor av stig innimellom. Flott toppunkt der, utsikt mot byen bl.a. Vi dvelte ikkje lenge, og gjekk stigen mot nordvest ned frå toppen. Veldig fin stig, truleg gamle gruvevegar. Kom til fergeleiet etter å ha dekt øya rimeleg godt. Særleg den austre delen av øya var nydeleg, tykkjer eg, eventyrlandskap med edellauvskog og gamalt kulturlandskap. At vi faktisk fekk sett havørna var heldig!
15,95 km, 487 hm og vi gjekk i 4 t og 49 min. Benjamin var med.