Blåfjellet og Blåfjellet øst (25.02.2023)
Written by Esone (Einar Moen)
Ascents | Blåfjellet (1,400m) | 25.02.2023 16:03 |
---|---|---|
Blåfjellet Øst (1,397m) | 25.02.2023 16:14 |
Fyrste tur til Blåfjell for min del. Måtte gå frå nederste parkeringa. Litt bonus-trim, og to km lenger tur. Kom litt seint av garde i dag. Var spent på vindforholda. Heldig der, då det var mindre vind enn venta. Men litt ustabilt. Vurderte å snu ei kort stund, sidan det kom ei snøbyge, og eg var i ukjent terreng. Men byga forsvann like fort som den kom. Eg hadde gått litt for langt opp i botn, men fann likevel ei fin lei vidare. Tungt oppover. Framleis i dårleg form etter Korona. Det er bratt, og snøen var djup og delvis laus. Det letta litt, og eg kom meg til topps, sjølv om det kosta i dag. Gikk fyrst bort på hovudtoppen, så aust-toppen, der den store varden står. Rask å ordne for returen, då det blæs her og dagen minka. Føret var greitt minus. Litt flakete i toppen av laussnøen. Finare i nedste del. Det vart ruta rett ned til fjelløypa no, sidan dagen var på hell. Sjølv om eg gikk glipp av fin laussnø var det greitt å stå i hockey heile vegen ned til øvste skitrekket. I grøne skiløypa rota eg litt i eit kryss, så det vart ein short-cut i laussnøen, før eg kom inn att på, og straks var eg ved parkeringsplassen. GPS-sporet hang seg opp på retur, difor delvis flystripe. Suplert med gps-bilde frå Polar. Ganske sleten, men godt fornøyd med dagen :)
User comments