Sykkel, og fottur frå flyplassen i Sogndal. Sykkel på fin grusveg og relativt snill stigning fyrste knapt 2,5 km. Frå veg-kryss mot masta, og utover fjellet, var vegen mindre jamn, og meir kuppert. Sveitta godt oppover. Siste kneikane mellom 700 og 800 moh. var det nokre svært bratte bakkar. Gikk av sykkelen to gonger. Sette att sykkelen knapt ein halv km før stistart til Dueskarsdshøgdi. Dette med tanke på at eg også skulle til toppen Lingesetfjellet, og komme nedatt ein annan stad. Fin sti i lett terreng bort til Dueskadsvarden. Utsikta her var formidabel. Ein måtte gå litt rundt på platået for å få med seg alt. Flott mot Bleia, til Fresvik med enorme botnar og dalar. Ut Sognefjorden mot Balestrand. Grønt og frodig i Øvstedalen, opp frå Fardal. Mot Storehaugen og masta, og Hurrungane kunne ein også sjå. Etter nokre brødskjever gikk eg bort til Lingesetfjellet, som er raud topp. Herifrå såg ein tettstadane Sogndal og Hafslo samstundes. Fasinerande. Så var det å finne ei grei rute nedatt til sykkelen, som var plassert nær høgaste pkt. på vegen. Sykkelturen nedatt var berre kjempemoro. Stå i råma, og vekselsvis trille og bremse. Passa på å ha tyngdepunktet langt bakpå i dei brattaste bakkane nedover att til flyplassen. 1:54 var tid i bevegelse. Vekslade sol, delvis overskya fint ver. Har lånetelefon, så bilda har låg kvalitet. Men ein må ta turen i alle fall, for å ta inn det vakre. Tilrådast.
User comments