Målet i dag var dagsturhytta Skaraly på ruta mot Kvamshesten (Storehesten). På vegen fekk vi råd om å gå ut på Litlehesten. Til Storehesten har eg vore tre gonger og Marita 10 gonger. Etter fleire turar denne helga, var ikkje topptur planlagt. Vekas mål var fem dagsturhytter, og målet nådd. Det er ein fin måte å bli kjend i Sogn og Fjordane på, og som rekognosering til turar og kulturelle opplevingar. Men det kribla, og topptur vart det. Landskapet her blir innan geologien definert som "devonisk sandsteiner og konglomerater". Det er skapt ved noko av dei mest dramatiske tektoniske prosessane i vår geologiske historie. At det er spesielt, opplever ein når ein går her blandt runde sva med myrar i mellom. Kuppert, fasinerande både på nært hald og på avstand. På tur ut til varden går stien under høgaste punktet på denne fjellkjeda bortetter. På retur stakk eg oppom toppunktet "Vest for Litlehesten" sidan den var høgast og hadde størst pf. Her oppe var det eit relativt flatt svaberg-område. Så vil eg nesten tru at høgaste punktet er nærast Litlehesten, og ikkje der den raude nåla står. Svippa innom begge kandidatar, men målte ikkje høgda. Spor frå Peakbook-app aktiv kun på retur, men data er korrigert. Finfin tur.
User comments