Skurefjellet og Nobbane (31.05.2021)
Written by kolla (Kolbjørn Tjessem)
Ascents | Nobbane (1,239m) | 31.05.2021 |
---|---|---|
Nobbane trigpunkt (1,229m) | 31.05.2021 | |
Skurefjellet (1,275m) | 31.05.2021 |
Vegen er stengt med bom midtvegs langs Breivevatnet. Der gjekk eg vidare vestover og så på T-sti nordover der den tar av frå vegen omtrent ved vestenden av Breivevatnet. Fulgte stien til litt forbi Væringsvatnet der eg så forsøkte å finne anleggsvegen som er inntegna på kartet. Den vegen var ikkje så lett å finne før litt opp i fjellsida under Nobbane. Vegen går opp til noko som ser ut som ei gruvesjakt, men det har nok samanheng med kraftutbygging.
Gjekk vidare over fjellryggen og tok sjansen på å krysse det regulerte Skyvatn i vårløysninga. Litt vanskelig å finne egna plass å gå utpå i sørsida, og som venta ennå vanskeligare å gå i land i nordsida. Måtte leite litt før eg fant eit bratt svaberg å klyve i land på der det nok hadde gått fleire snøras i vinter/ vår. Brukte lang isøks for å søke meg trygt over isen. Gjekk så opp på Skurefjellet der eg hadde ein lengre pause. Tok ein runde over fleire toppunkt på topplatået, men ingen tvil om kva som er høgast.
Retur over Skyvatn igjen og så over Nobbane, og greit ned sørover i eit skar ein snau km aust for toppen. Kom inn på T-stien igjen i nordenden av Væringsvatnet, og fulgte så stien og vegen tilbake til utgangspunktet. Brukte ein del lenger tid på denne turen enn eg hadde rekna med, men var nok litt sliten etter gårsdagens tur til Veggine og Syni.
User comments