Vi hadde overnatta i bilen eit par kiliometer aust for Dørålseter. Etter frukost gjekk vi i vegen frå parkeringslomma oppover mot Dørålsglupkollane. Til å byrje med var det tungt skogsterreng, men det vart betre etter kvart. Ganske rask og effektiv gange, og det tok ikkje lange tida før vi var oppe på Vesle Dørålsglupkollen.
Oppe på Store Dørålsglupkollen var det tre toppunktar. Vi var oppom alle tre. I følgje Peakbook er det det vestlegaste toppunktet som er høgast, men eg tykkjer ikkje det ser slik ut. Men det er berre ti-meter kotar på kartet, så det bli spannande å sjå når det blir meir detaljerte kart. Vi opretta uansett den midtre toppen som Aust.
Ned frå Store Dørålsglupkollen var det litt bratt og laust, men greitt å gå. Vi var slitne, og merka turen på Smedhamrane frå dagen før, så det gjekk ikkje særleg fort nedover ura.
Etter turen vart vi einige om å ta ein tur til, den gjekk til Storkringla. Vi fann ein fin parkeringslomme på rett under 1000moh, og til vår overrasking, og store glede, gjekk det i vegen eit råk derifrå. Råket kom og gjekk litt, men veldig greitt å følgje til å byrje med. På denne turen vart vêret dårlegare, men det var ein fin tur.
User comments