Smedhamran (23.06.2021)
Written by Hansi (Hans Thorvald Nygaard)
Ascents | Nørdre Smedhamran (1,898m) | 23.06.2021 16:28 |
---|---|---|
Nord for Søre Smedhamran (1,916m) | 23.06.2021 17:19 | |
Søre Smedhamran (1,922m) | 23.06.2021 17:34 | |
Austre Smedhamran Nord (1,849m) | 23.06.2021 19:59 | |
Visits of other PBEs | Nedre Dørålseter (1,040m) | 23.06.2021 12:58 |
Døråe Helårsbro (1,031m) | 23.06.2021 13:18 | |
Dørålseter parkering (1,046m) | 23.06.2021 22:49 |
Tur til Rondane med Kristine. Vi gjekk i vegen frå Nedre Dørålseter klokka ett, og følgde det gode råket mot Rondvassbu. Strålande flott vêr, og varmt. Ved Piktjønne tok vi av frå Rondvassburåket, og gjekk over Bergedalsbekken, som var så stor at vi berre så vidt kom tørrskodde over. Vidare følgde vi lengje det gode råket over den enorme Storflye, før vi like etter Smedbekken tok av råket og byrja på den tunge stigninga opp til Nørdre Smedhamran.
På Nørdre Smedhamran var det flott utsikt i alle retninger. Enkelt vidare til Søre Smedhamran, via ein liten fortopp. Vegen derifrå var vi litt usikre på, om vi måtte over Nørde ein gong til, eller om det gjekk ann å gå ned i Smedbotnen. Det såg bratt ut, men mogleg, og vi fann ein rapport på Peakbook som hadde gått der. Så da gjekk vi ned til Smedbotnen. Bratt og laust nedover, men greitt å gå.
Nede i botnen foreslo Kristine å gå opp på Austre Smedhamran, så da tok vi fatt på ein ny, tung motbakke. Veldig flott også på denne toppen. Frå nordtoppen tenkte vi eigentleg på å gå på Sørtoppen også, men det slo vi frå oss da det var mykje opp og ned og litt tregt terreng og gå i. Det var allereie seint, vi hadde ete opp nesten all maten vår, og det var langt attende til Dørålseter.
Returen vart ganske lang. Men vi fekk nokre snørenner ned frå Austre. Nede på råket fekk eg den lyse ideen om å gå rett over det, og prøve å krysse Bergedalsbekken med ein gong. Det såg ikkje lett ut, og vi fekk litt ekstra trim med å gå attende til råket i litt tyngre terreng.
Alt i alt ein skikkeleg flott tur. Etter turen køyrde vi litt attende Dørålsvegen, og overnatta i bilen.
User comments