Storådalshøe (26.08.2018)
Written by Garm (Gal Krokfot)
| Map |
|
|---|
| Ascents | Høgtunga (1,676m) | 26.08.2018 |
|---|---|---|
| Sjugurdtinden (1,305m) | 26.08.2018 | |
| Sjugurdtinden vest (1,490m) | 26.08.2018 | |
| Storådalshøe (1,888m) | 26.08.2018 |
Det var fredag og underteiknede var på veg oppover dalanes dal med ein kanskjeplan om Rauddalseggje på tapeten.
Det var heilt inntil turfølgje fekk sjå ei oppdatert værmelding og prompte gjekk den planen i vasken. Vel
kva gjer ein da? Joda, ein sendar melding til andre som har vært aktive i området for å sjekke ståa. Tredve
sekund seinare tikkar det inn eit svar. "Plukker deg opp litt utpå dagen i morgon. Storådalshøa, Ok?" Klarte ikkje plassere Storådalshøa der og da, men svarte ok for det. Fekk vel sjekke opp litt når eg kom heim. Vel
heime klikka eg inn på peakbook og konstaterte kjapt at det var ein Oppland pf 250 topp. Det har sikkert Jørn
interesse av å være med på tenkte eg og logga meg inn på peakbook for å sende han ei melding. Men før eg fekk
sendt meldinga vart eg obs på ein kommentar på siste turen min https://peakbook.org/tour/278354/Tryvannshøgda.html
Nuvel, kanskje han derre Asken skal få sitte heime å tvinne tommeltottar i helga istede slo det meg. ;)
Litt utpå dagen kom skyssen og ferda gjekk vidare mot Gjendeheim. Etter litt parlamentarisering vedrørande parkeringsavgifta ved Gjendeheim sigra latskapen og vi gjekk for blodpris på korttidsparkeringa rett ved båten. Etter ein ny donasjon til Øvstedalfamilien tøffa vi innover Gjende i nydeleg vær. Ved Gjendebu hadde vi ein kjapp stopp før det bar oppover Storådalen.
Fant ein brukbar teltplass ved Storådalsbua og tilfeldigvis hadde Vår Herre utstyrt området med bålmateriale også, noko vi viste å utnytte...
La i veg morgonen etter i noko gråare vær enn ønskja. Rusla opp til bandet mellom Semeltinden og Storådalshøe før vi skar av mot Storådalshøe. Det gjekk jamt oppover med Semeltinden som det store blikkfanget, det meste andre var borte i skodda. Tok ei lita pause ved toppen før vi lunta vidare mot Høgtunga. Relativt greitt å gå tiltross for noko snø i terrenget (og i lufta). Ikkje så langt i luftlinje, men tok likevel noko tid bort til Høgtunga. Etterkvart var vi på plass og kunne skue bort på dagens siste mål, Lågtunga. Sikta oss inn på råket frå Bukkelægeret og traff det ein eller anna stad rundt Lågtungetjønne og med det også dei fyrste folka for dagen.
I prat med nokon av dei fekk vi beskjed om at båten frå Memurubu gjekk noko tidlegare enn vi hadde rekna ned og dermed måtte farten opp noko. Frå Lågtunga og ned til Memurubu vart dermed tempo oppjustert noko. Vi kom ned samstundes med båten og slapp ventetid før returen.
User comments