Higravtinden og Hatten i Hamarøy (13.07.2019)

Written by Hansi (Hans Thorvald Nygaard)

Duration	5h 28min
Distance	5.9km
Vertical meters	1,180m
GPS

Ascents	Higravtinden Fortoppen (1,144m)	13.07.2019 13:30
	Higravtinden (1,146m)	13.07.2019 13:45
	Hatten (850m)	13.07.2019 21:39
Visits of other PBEs	Higravtinden p-plass (30m)	13.07.2019 10:53
Visits of other PBEs	Fjellvatnet p-plass (160m)	13.07.2019 20:38

Higravtinden

Higravtinden var målet denne dagen. Eg hadde lest meg opp på Peakbook om ruta mellom fortoppen og toppen, og trudde vi skulle få det til. Da vi køyrde til parkeringa Eide var det grått og lågt skydekke. Vi gjekk i vegen oppover litt før elleve.

Råket slynget seg bratt oppover til venstre for Sandbekken. Ved 350moh krysset råket bekken, og held høgda ut mot høgre, før det på nytt går oppover. Ved rundt 400moh kom vi inn i skodda, og ved 700moh kom vi til renna. Der ligg det framleis mykje snø. Snøen var mjuk og god å gå på, men vi tok på broddar og eg gjekk med isøks. Mellom 850moh og 950moh kom vi over skodda, og sola varma godt. Oppe av renna på om lag 1000moh fekk vi storslått utsikt, fyst mot Geitgallien, seinare hele rundskuet.

Lett klyving opp til fortoppen før vi skulle ut mot hovudtoppen. Renna ned frå fortoppen fann vi fort, og den var grei å gå ned. Traverserte langs med toppen til ein varde, og gjekk opp til venstre der. Ved det fyste klyvepunktet, som kanskje er det vanskelegaste, var det eit tau. Vidare ga vegen opp til toppen seg sjølv. Det var ganske grei, men litt utfordrande klyving, men aldri spesielt luftig eller eksponert.

Strålande utsikt på toppen mot dei få toppane som var høge nok til å komme over skodda. Magisk!

Hatten i Hamarøy

Turen på Hatten. 4,3km - 690hm - 1t 55min

Etter turen køyrde vi til Lødingen, der åt vi middag på ein restaurant, før vi tok ferga over til Bognes. Derifrå køyrde vi det korte stykke til Tortenåsen. Vi satt frå oss tilhengaren ved parkeringsplassen like etter E6, og køyrde innover så langt vegen gjekk. Det var greitt å køyre, men ikkje lurt for folk med bil som er låg oppunder.

Vi følgde råket opp til toppen. Morosamt med stige i den siste knausen. Ingen utsikt da vi på denne turen ikkje kom over skodda. Same veg ned.

Køyrde så attende til tilhengaren på Tortenåsen, og overnatte i bilen der.