Ørnemyrfjeddet i ettermiddagssol (31.05.2019)  

Etter Skoræ og etter veldig interessant og hyggjeleg stopp i Kyrkjebygda, først kaffi og kake og prat med bestyraren på kulturhuset Minne, deretter ein sving oppom Sosteli, den forlatte folkevandringsgarden, drog visørover til Øvre Flottorp, og gjekk til Ørnemyrfjeddet. Vi starta ved bekken og følgde traktorvegen bratt oppover til vi var under Solliheia, heldt fram nord for heia langs blåmerkt stig. Då vi såg Ørnemyrfjeddet rett fram, skar vi ned frå Solliheia (litt bratt), rett over myrene og så oppover mot tappen. Greitt å gå fordi myr og lyng enda var visne, men ganske seigt å gå i terrenget likevel. Då vi kom opp på svaberga, gjekk det derimot veldig greitt opp til toppen. Smal varde, fine berg, enkelt småfuruer, ettermiddagssol og fin utsikt. Nedover fann vi annan og betre stig, blåmerkt på furuene og elles småvardar. Denne stigen gjekk forbi Kleivestemmen, og endte opp nærare tuna på Øvre Flottorp. Opp brukte vi 54 minutt, ned 41 minutt inkludert rasten der oppe. Oppturen var 3,2 km, traseen ned var 2,5 km. 347 hm.
Anne og Eirik var med.