Saufjellet og Ørnfloget (26.10.2018)
Written by Hansi (Hans Thorvald Nygaard)
| Duration | 0h 40min |
|---|---|
| Distance | 1.5km |
| Vertical meters | 208m |
| GPS |
|
| Ascents | Saufjellet (235m) | 26.10.2018 16:45 |
|---|---|---|
| Ørnfloget (142m) | 26.10.2018 18:22 | |
| Ørnfloget øst (109m) | 26.10.2018 18:35 | |
| Visits of other PBEs | Svolvær (0m) | 26.10.2018 19:30 |
To kveldsturar på veg til Kabelvåg
Saufjellet
Helgetur til Kabelvåg i Lofoten. Vi drog rett etter jobb på fredag, uten å ha planlagt dagsturen. Eg køyrde, og Kristine leitte etter tur på kartet. Utruleg nok fann ho ein topp med 200 meter i primærfaktor som ikkje var oppretta på Peakbook, dermed vart han målet for turen. Vi parkerte rett etter Vesterstraumen bru, som går over Øksfjorden/Innerfjorden sørvest på Hinnøya. Ikkje noko råk opp til toppen, men skogen var grei å gå oppover. Mykje snø, men den var lett og fin, så det var raskt og lett ned attende. Sjølv om toppen ikkje var meir enn 235 meter høg, var det flott utsikt frå toppen.
Ørnfloget
Etter den korte turen på Saufjellet ynskja vi å gå ein tur til. Valet fall på Ørnfloget, som er ligg nokre kilometer før Svolvær. Det var nesten mørkt når vi byrja å gå, så hovudlyktene var tatt i bruk tidleg. Vi hadde sett eit råk på kartet vi hadde tenkt til å gå innover, men det fann vi ikkje i all snøen. På Saufjellet hadde snøen vært lett og men, men her var han vondare å gå i. Det var eit hardt skarelag ein søkk igjennom. På toppen fekk vi sjå konturane av fjella rundt oss i mørket.
User comments