Eg og Jørn på helgatur til Finse. Me ankom Finse fredag kl 1845. Teltet satte me opp på Finsevatnet ca 500m vest for stasjonen. Målet for helga var Hardangerjøkulen der eg skulle få med meg kommunetoppane til Ulvik og Eidfjord og i tillegg håpa me og få brukt skiseila mest mulig. Lørdag var det meldt brukbart vær med sol og litt vind. Me hadde planlagt tur til Jøkulen denne dagen og håpa å få brukt skiseila på turen. Det vart overskya, flatt lys og dårlig sikt so skiseilet vart hengande på sekken heile dagen. Me var innom appelsinhytta og Jøkulhytta på turen. Sikten var dårlig og då me skulle sikre at me var på høgaste punktet i Eidfjord var gps'en grei å ha. Søndag vakna me til skyfri himmel og sol. Då det var vindstille nede på Finsevatnet vart det til at me gjekk på Finsenuten. Først på store og deretter opp på vetle. På store blas det friskt og det var heller kjølig på toppen. Det var ganske avblåst og isete, men på vestsida fant me flott pudder. På veg ned fra Vetle klarte eg å rive bindingen av skia. Då var det etter beste evne å stå på ei ski nedigjen. Heldigvis var det ikkje langt ned til teltet.
Bilder:
http://www.utifriluft.com/Friluftslivturersommarogvinter/Finse-jan-2012/21242670_FpDnmv#!i=1690970617&k=qm4Zkk8
User comments