Stølsmardalstinden (12.05.2018)
Written by Esone (Einar Moen)
Ascents | Stølsmaradalstinden (2,026m) | 12.05.2018 15:47 |
---|
Fantastisk og relativt alpint topptur med Lærdal turlag. Eit følgje på 15, med fleire deltakarar frå andre lag, gjennomførte turen på vel 9,5 timar. Det minkar på snøen og det var særs laust og med gjennomslag opp til tinden. Ski-etappen hadde betre føre, men det minkar på snøen, og ganske straks vil ein streve med elvane i Austabotn-dalføret.
Etter mi vurdering er det relativt bratt frå 1550 - 1700 moh. Særleg siste kneika der vi går trappetrinn opp mot 60 grader. Men det var fin laus snø, trygge trinn, og vi tok det forsiktig. Viktig å ta hensyn til dei som tykte det var litt tøft, noko fleire ga uttrykk for (særleg på retur).
Dette nivået er nok det mest alpine til Lærdal turlag tilbyr, sidan vi ikkje har fjell- og bresport-avdeling.
Vi fekk god guiding av kjentmann John Einemo, som kunne peike og namnsette toppane rundt oss frå toppunktet. Stødig turleiing av Rolf Engløkk. Og som utsiktspunkt var Stølsmaradalstinden svært flott.
User comments