Kjørte opp til Rognestøylen dagen før for turen til Kvasshornet og Storetinden og ville i dag ta turen til Dukhornet. Dukhornet bestiges lettast via sørryggen, men for meg var det via nord- eller vestsida som var aktuelt i dag. Bratte partier her og i boka "Fotturar på Sunnmøre" står det: "Den bratte klyvinga opp nordegga er ikkje like kjekk for alle". Då tenkte eg det måtte vera kjekk klyving for meg sidan det nå var gode forhold med turr vind og ei veke utan regn.
Gjekk på tydelig sti opp til skaret mellom Rognestøyldalen og Bakkedalen på snaut 650 moh. Herfrå gjekk eg opp den bratte men lettgåtte vestvendte fjellsida til eg kom opp på nordegga drøyt 100 hm under toppen. Egga direkte såg ut til å bestå av mosegrodd stein som ikkje er det kjekkaste eg veit. Såg meg derimot ut ei renne til høgre som var enkel men litt utsatt klyving. Kom meg greit opp og kryssa ei stor snøfonn på topplatået før eg nådde varden.
Etter ein god pause på toppen gjekk eg ned igjen nordegga og så vidare utover til Langhornet. Trigpunkt med flott utsikt over Kvistaddalen der. På mitt kart "Sunnmørsalpane" står bare høgde 1229 på trigpunktet så eg visste ikkje at toppen lenger sør var 8 m høgare, men gjekk sjølsagt over den og. Så gjekk eg egga vestover til Kubben, og så litt tilbake igjen og ned den bratte sørsida og inn på stien frå skaret siste stykket tilbake til Rognestøylen.
User comments