Sonen sin første telttur (05.08.2017)

© Kristian Starheim

Eg har lenge snakka om kor eg har gleda meg til å ta Sonen på telttur. Merkelig nok har eg ikkje gripe nokon av dei mange sjangsane som har bydd seg. Då Kona brått, laurdag formiddag, foreslo at vi kunne fare på telttur, så var det kanskje akkurat den ekstra motivasjonen eg trengde for å iverksette dette barn-i-naturen-tiltaket.

Etter ein heil haug med pakking og sosing kom vi oss i bilen i 5-tida og køyrde til Kobberdammen. Alle dei finaste teltplassane var fulle av meir eller mindre (mest meir) lydfulle campingturistar, så det vart ei lita runde rundt vatnet før vi slo oss til i kveldssola på austsida.

Her vart det full rulle med blåbær, bading, konglar etc etc etc. Klokka var godt over leggetid då Sonen vart forsøkt lagt i søvn i teltet. Søvn kunne vi imidlertid berre drite i, for her var det god stemning! Etter ei imponerande totimersøkt, alt heldigvis i godt humør, gikk junior i bakken halv 10.

Eg og kona sette oss så ut for å nyte skogens ro med øl, sjokkis og romantisk samtaling. Vi registrerte at det på ingen måte var rolige forhold rundt kobberdammen ein varm augustkveld. I tillegg var vi dei einaste som hadde tatt høgde for bålforbudet. Etter å ha konstatert av myggsprayen ikkje var serlig effektiv, fyrte Kona opp eit bål til oss også. Dette gav både myggen og naboane det glatte lag!

© Kristian Starheim

Vel vel, junior sov heile natta, og vi stod alle relativt utkvilde opp klokka 8 morgonen etter. Nydelig vær framleis, og skikkelig kåbbåyfrokost. Det må til om ein skal klare å samle alle konglane i bymarka. Før vi rusla heim tok tilogmed Far seg eit bad.

Ein skikkelig kremtur, altså. Men det kan vere vi vel eit mindre folksomt turmål neste gong.