Knallvær på Åbittinden (11.03.2017)
Written by kobbenes (Kristian Starheim)
| Characteristic | Randonnée/Telemark |
|---|---|
| Duration | 5h 00min |
| Vertical meters | 900m |
| Map |
|
| Ascents | Inste Åbittinden (1,396m) | 11.03.2017 17:13 |
|---|---|---|
| Visits of other PBEs | Trolltinden p-plass (495m) | 11.03.2017 17:10 |
Turhelg til Nordmøre for alpine aktivitetar! Vi hadde alpin start frå Trondheim med mål om Åbittind-Trolltind-traversen, som hadde blitt beskrive med svært smektande rapportar her på peaker'n.
Været overgikk seg sjølv, og det såg ut som heile midtnoreg hadde samla seg på parkeringa. Dei aller fleste skulle på Trolltinden, men sannelig var det også ein gjeng som gikk mot naboen - mellom anna 4 som også skulle gå traversen.
Pål Christian hadde satsa på fjellski med kortfellar, og kortfellane sat hverken fast i snøen eller i skia. Men han er ikkje ein type som gir opp av den grunn, og fikk tidenes full-body-workout opp bakkane. Det gikk faktisk ganske radig, og vi havna kjapt bak ein gjeng som var svært svært omstendelige med HMS-arbeidet opp dei ikkje alt for bratte bakkane.
Då vi var rett under toppen oppdaga vi at vi berre hadde ein klatresele på deling, og slikt blir det ikkje klatring av i 2017. Så vi la att tauet, spente på oss stegjerna og klatra opp siste snøbakken for å sjekke utsikta frå toppen. Snøbakken var spennande den også, og utsikta var intet mindre enn fantastisk.
Vel på toppen såg vi at dei fire som hadde byrja på traversen tok seg svært god tid. Like greit å rusle nedatt.
Nedkøyringa var noko hard og ingen dødsstor oppleving, men på parkeringsplassen møtte eg ein kompis som inviterte oss på heimelaga pizza og husly på Eidsfjord. Det høyrdest straks bedre ut enn telt og drytec - noko som svært godt med på neste dags eventyr, som vart meget mer skarpt.
User comments