Oddedalsknuten og Dyrdalsknuten (27.03.2015)

Gjekk på ski frå Eigelandsdalen. Godt med snø heilt frå vegen på drøyt 300 moh. Over 600 moh var snøen så hard at eg heller bar skia på resten av turen. Var først på Oddedalsknuten og la skia igjen i Dyrdalen og gjekk opp og ned den bratte sørsida til Dyrdalsknuten der det var soltint snø. Så opp og ned nordsida til Stølsdalsfjellet. Deretter over Bessevatnet til Slettheia, Ørnehedlaren og Almefjellet. Veldig bratt på vestsida av Ørnehedlaren men fant ei renne å gå ned og kløyv opp igjen i sørsida etter at eg hadde vore på Almefjellet. Gjekk ned langs vestsida av Bessåna til Gystøl og så 2 km langs rv 42 tilbake til utgangspunktet. Det var periodevis sol og frisk bris frå nordvest denne ettermiddagen.