Bjønnåsen

Date:

31.07.2021

Characteristic:

Jogging

Distance:

6.0km

Bolmtrollhetta og Rypfjellet

Date:

21.07.2021

Characteristic:

Hike

Distance:

23.6km

© Simen Einmo Engdal Smultringtur frå Helgetunmarka. Bolmtrollhetta og Rypfjellet skulle kryssast av, og i det øyemed bar det innover i slagt og klopplagt terreng langs raudmerka sti over Stormyra. I følge kart skulle det og være sti å finne når eg no skulle bryte av sørover mot Bolmtrollhetta, men denne var ikkje å oppdrive verken på tur eller retur. Slik blei det vading over blaute myrer med nokre modne multer som einaste trøst, fram til ein stod klar for å ta fatt på stigninga opp til Bolmtrollhetta. Fint skue på toppen, kort rast i le for ein småkald vind på ein ellers varm dag, og ned på sørsida for å bestige Rypfjellet. Fin utsikt mot Rindhatten og Trollhøtta herifrå. Retur i overkant av idylliske Bøluvatna og omsider inn att på t-sti mot Helgetunmarka.

Soggnebba

Date:

15.07.2021

Characteristic:

Hike

Distance:

5.6km

© Simen Einmo Engdal Kortreist besøk oppom Soggnebba, med to tobeinte og ein firbeint med på tur. Oppe ved trimposten i rett augeblikk, med sola som braut gjennom eit heller robust skylag og stri vind frå vest.

Runde vest for Skarvatnet

Date:

12.07.2021

Characteristic:

Jogging

Distance:

19.1km

© Simen Einmo Engdal Det skulle komme eit tog frå hovudstaden inn på Berkåk stasjon klokka 13:25 ein mandag, og ombord var ein passasjer som skulle fraktast vidare ned til Surnadal. Med det som utgangspunkt blei det skissert opp ei løysing for korleis ein kunne få utnytta ein solfylt formiddag i området på best mogleg måte, og fasit blei ein tildleg start og ruteføring vest for Skarvatnet. Her blei det ein runde i fint og lettløpt terreng frå Vardhøa i nord til Kvamman i sør. Ein varm og vakker julidag kor eg trudde eg skulle gå klar for klegg, fluer og anna armo som høyrer høgsommaren til, før eg nede ved Gråhåmmårtjønna fekk med meg eit par hundretalls fluer som følgje på resten av turen. Slik blei det minimalt med rasting, og ein relativt effektiv transport over toppane i området. Om dagens >>>

Honnstadknyken

Date:

11.07.2021

Characteristic:

Jogging

Distance:

17.5km

© Simen Einmo Engdal Trimtur til Honnstadknyken i variabelt vær, til forandring heilt nede frå bommen denne gongen.

Skjerdingfjellet

Date:

03.07.2021

Characteristic:

Hike

Distance:

17.3km

© Simen Einmo Engdal Ein av somarens varmaste dagar så langt blei valgt ut til å skulle romme ein tur over Skjerdingfjellets mange topper, med utgangspunkt i innerdalsmerket ein finn langs vegen inn mot Kårvatn. Varmgang i samtlige fire ryggtavler opp gjennom skogen, før ein sval bris og kaldt rennande vatn sørga for livberging over tregrensa. Turen opp til og over Skjerdingen har etter kvart blitt godt beskreve, så ingen grunn til å supplere mykje her. Alle mann forserte det brattaste klyvepartiet rett oppunder hovedtoppen via direktelinja "rett på", framfor alternativet litt ut i vest-sida. Fleire turfolk å sjå både på toppen av Skjerdingfjellet og nede i Bjøråskaret kor vi la returen. Flott dag over ein av Trollheimens klassikarar!

Nordre Trolla og Litlnebba

Date:

02.07.2021

Distance:

13.0km

© Simen Einmo Engdal Ein julidag av beste sort var så vidt i gong då to mann stod med skoa ferdig knytt under skyggen av Hoåsnebba, klare for å gyve laus på høgdemetrane opp Hoåslia. Det store målet var sjølvaste Nordre Trolla, ein topp som til slutt blei bestege med mindre problem enn først antatt, grunna perfekte forhold og nøye forarbeid. Ikkje all verdens med detaljert informasjon fantes om denne ruta, men vi hadde i forkant gravd fram det vi kunne finne, og gjort oss opp ei meining rundt kva vegvalg som skulle takast undervegs. Ein tidleg start lot oss forsere Hoåslia medan det framleis var skugge på denne sida av Sunndalen, og greit var det, for det blir alltids varmt nok likevel når ein byrjar på motbakkane i dette dalføret. Kun avbrutt av eit par mindre stopp for å gjere eit innhogg i den >>>