Etter hotellbesøk vart det privatbesøk eit par netter på Askøy. Vi fann ut vi skulle besøke dei dagsturhyttene vi mangla i Øygarden og starta med Veten. Det er ikkje alltid like lett å tolke teksten som står på ut.no sin turbeskrivelse. Men etter det eg las, så var det best å parkere ved Stranda skule, sidan det var lite parkering på dei andre stadane. Det som stod vidare var at det var lettare å gå frå Førde og at stien frå Stranda var noko bratt for enkelte, men av ein eller annan grunn la eg ikkje merke til den vesentlege delen av teksten. Så då blei det at vi køyrde til Stranda skule og parkerte der. Det første vi møtte var blandt anna ein gigantgitar for å heidre Johannes Kleppevik. Det var lettgått eit stykke, men enkelte stader var stien noko blaut og bratt. Men vi kom oss opp. Det vi såg var at det var fleire andre på toppen, dei hadde sjølsagt fått med seg at det beste er å gå frå Førde. Men men. På toppen var det litt yr og vind, men OK temperatur. Etter å ha teke noko bilde, gjekk vi på returen via Storevarden og fekk då meir utsikt på grunn av at været letta.
Etter turen var det fint vær og vi tok ein dukkert i eit lite vatn "smånipen" rett ved eit industriområde. Ingen merking av badeplass, men veldig idyllisk. Det var til og med ei bu vi kunne skifte i.
Kommentarer