Då var det tid for ein tur på Torgeirsletta og Høgeheia. Eg såg at det var merka ei rute via ut.no, som kunne være grei. Eg parkerte ved Solåsen rett ved ein gard som såg nedlagt ut. Ved øvste garden var det skilta mot Torgeirsletta, så eg starta ved godt mot. Det var endatil eit raudt merke. Dessverre så var det dårleg med sti og fleire merke derifra. Eg sjekka endatil ut-appen for å være sikker på at eg var på rett veg. Men einaste type sti eg fann var det som såg ut til å være dyretråkk. Eg fulgte ruta til ut-appen utan å finne antydning til merke. Etter kvart som eg nerma meg Torgeirsletta fann eg endeleg ein raudmerka sti, som eg fulgte siste stykket opp til toppen. På returen fulgte eg den raudmerka ruta fram til det var naturleg å sikte seg inn på Høgeheia. Derfrå sikta eg meg rett ned mot Solåsen og tilbake til bilen. Konklusjonen min er at eg ikkje alltid kan stole på oppmerka rute på kartet.
User comments