Jøtelshogjen (30.07.2023)
Ascents | Jøtelshaugen (581m) | 30.07.2023 |
---|---|---|
Visits of other PBEs | Ruiner - Brokabakkane (277m) | 30.07.2023 |
Østenstad (340m) | 30.07.2023 |
Ettersom værmeldingane ikkje var det beste, ville eg finne ein ikkje altfor lang tur. Det er ei stund sidan eg var på Jøtelshogjen, så då falt valet på den. I Førde var det opplett og på veg ut mot Dale blei det meir og meir regn. Eg vurderte faktisk å snu og heller finne ein kort tur i Førde. Men så fann eg ut at eg kunne finne ein kortare tur dersom været ikkje skulle være på mi side. Det er godt å lufte seg likevel. Parkerte ved Dalsåsen og etter nokre få minutt i bilen såg det ut til å lette. Så då eg kom meg ut av bilen var det berre litt yr.
Trakka i veg opp i retning Havreheia og etter kvart vart det merka Jøtelshogjen. Etter ei lita stund slutta det å regne heilt og eg må innrømme eg vart veldig glad at eg tok sjansen.
Sjølv om det hadde slutta å regne, var det svært vått enkelte stader. Så vått at skoa til slutt gav etter for fukten, fordelen i juli månad er at temperaturen ikkje er så ille. Det gjer at det går greitt å gå med våte bein.
Det blei nokre bilder på toppen før returen. Tok ein avstikker mot Østenstad før eg returnerte til bilen. Ved Østenstad var det informasjonsskilt om fjellgarden. Litt spennande å få med seg historie på kjøpet.
User comments