Med litt sludd og snø heime og atydning til opplett i Solund, tok eg sjansen på ein tur utover dit. Parkerte ved bommen og gjekk oppover vegen. Tok av vegen ved skilting til Dumbetinden. Fulgte merka rute. Litt snø gjorde stien litt mindre tydeleg, men ikkje umogleg å følgje. Opp på ryggen mot Dumbetinden var det lettgått terreng. Flott utsikt på toppen. men noko vind gjorde at det kun vart ein kort stopp. Tilbake til vegen og fulgte den eit stykke til eg såg det kunne være greitt å sikte seg inn på Ulvegreina. Ein kort stopp der, før eg gjekk rett over til Ulvegreina mast. På grunn av isfall frå antenna fann eg ut at eg ikkje skulle stå der så lenge. Forrige gong eg var på Ulvegreina, var det tåke og null utsikt. Endeleg fekk eg sjå utsikta også.
Fulgte vegen ned til merka rute til Salane (ikkje skilta). Såg der at eg hadde kort tid til ferga gjekk tilbake. Så då var det berre å komme seg ned til bilen. Rakk ferga med 5 minutt margin.
User comments