Dette er sjølvsagt ein skitopp sidan det er veldig kjappt å ta den frå toppen av skiheisen. No har eg ikkje noko ønskje om å opphalde meg på slike plassar så det vart derfor fottur etter jobb. Gjekk rett opp traseen og mot toppen. Ingen vanskar overhodet. For å gjere litt meir utav turen fortsatte eg rett nordover mot topp 936 (Eid 50m-lista). Vidare rundt Tjønndalsvatnet og tilbake til skitrekket i Naustdalsheidane. Dette er eit populært utfartsområde for Eidarar på vinterstid. Mange som tar trekket opp og går på Ljøsuregga, Steinegga og Klakken. På kartet er Steinegga merka av på topp 950. Dette er feil, den heiter Langegga iflg lokalkjende. Siste topp i Eid 100-meterslista, som vanleg utan at eg var klar over det.
Kommentarer