Arkiv - dato
Arkiv - aktivitet
-
Annen tur (2)
- Ekspedisjon (2)
- Fottur (484)
-
Kjøretur (1)
- Biltur (1)
-
Skitur (260)
- Fjellskitur (75)
- Langrennstur (176)
Lister jeg samler etter
-
Stryn ≥ 50m pf
(43/141)
30% -
Sør-Fron ≥ 50m pf.
(7/52)
13%
Nårkampen
- Dato:
- 24.02.2026
- Turtype:
- Fjellskitur
- Distanse:
- 5,1km
Etter ein litt kjedeleg tur på Gausdalsberget, vart det ein stor opptur å gå til Nårkampen. Turen begynte i skog og pudderføre, men det gjekk fint å følge andre sine spor.
Over skoggrensa gjekk eg utanfor spor, det gjekk fint etter kvart som snøen vart fastare/vindpåverka.
Mot toppen vart det lite snø, der grastustar stakk opp. Vinden har vel tatt med seg ein del av snøen her.
Flott utsikt frå toppen, og i grunn ein fin skitopp for oss som likar litt stigning og nedoverbakkar, men ikkje at det er superbratt ned igjen :)
Digeråsen og Gausdalsberget
- Dato:
- 24.02.2026
- Turtype:
- Fjellskitur
- Distanse:
- 8,5km
Tenkte no å begynne meir systematisk på Sør-Fron > 50 m pf-lista.
Første topp i dag var Digeråsen. Ein forholdsvis lett tilgjengeleg topp der delar kunne gåast i skisporet. Det var endå meir pudder enn eg trudde. Fint å renne i, men krevde ein del helling berre for å få litt fart. Fin utsikt frå toppen.
Neste topp var Gausdalsberget. Her var snøen endå mjukare, men delar av turen gjekk opp i skuterspor. Siste stigninga mot toppen var ein jungeltur i tett buskas og djup snø. Toppen er nok ikkje best eigna til vinterbruk, og den er vel kanskje mest for spesielt interesserte :)
Helvetesberget
- Dato:
- 02.11.2025
- Distanse:
- 2,4km
Dagens siste topp var Helvetesberget. Toppen var ikkje så ille som den kunne høyrest ut til. Turen gjekk langs sti med delvis skilting og merking. Det var blanding av "vanlig" skog, hogstfelt og plantasjeprega granskog på toppen. Det gjekk ein avstikkar (delvis sti) opp gjennom skogen.
