Ankom Furestøyl-området dagen før for turen til Løefjell og Berefjell. Denne dagen ville eg ta ein lenger tur på sør for Myklevassåni/ Faråni. Det er åpen veg opp til Kvisletoppen hyttefelt som er eit nokså nytt hytteområde med mange fasjonable hytter til salgs. Gjekk forbi Stavtjørn opp til Rysstadåsen. Her var det faktisk god sti oppe på sjølve toppryggen. Blei ikkje klok på kor denne stien kom frå. Det er veg frå Rysstad opp i dalføret sør for Rysstadåsen, så mulig den stien går derfrå hvis den ikkje går frå Kvisletoppen. Det var frosne fotspor i stien og traff også tre stk denne dagen så det virker som ein bra besøkt topp dette sjøl om det ikkje var vardebok.
Gjekk så tilbake igjen vestover over Kvævfjødd og ned den bratte sørsida forbi Stemtjørn og opp til Kisteknausen. Litt meir utanfor allfarveg her. Rester etter trigmerke på både 1028 og 1027. Så gjekk eg ned nordvestover forbi Tjørneheii over Fisstøylheii og Berghei. I dette området er det merka løype med brøytestikker frå både alpinanlegget og hyttefeltet. Det vert nok kjørt opp skiløyper her om vinteren. Dette blei ein flott rundtur under skyfri himmel og frosen bakke.
User comments