Veilederkurs klatring høgfjell i Uskedalen (25.08.2022)

På praksis i Uskedalen i Juni vart eg tipsa av Lars om at han skulle ha veilederkurs i august. Der måtte eg jo melde meg på! Så sant som gjort - eg slengde inn søknad til godkjenning. Brattkompetanse.no var tydeligvis i godlune, kona bytta vakter både her og der, og magasjauen i byrjinga av veka gikk raskt over - her skulle det faktisk bli kurs!

Eg byrja køyringa tidlig onsdag formiddag, men grunna trafikkulukke på Flåm vart det ei solid omkøyring. Kjekt å endelig få sjå Geilo då! :-P Då eg ankom Rabben Camping onsdag kveld var det som sistemann.

Vel, det var eit sterkt crew som måtte innsjå at torsdagen var av det fuktige slaget - lite eigna til svaballett. Det passa fint til pedagogiske øvingar om bevegelsesteknikk, sikringsplasseringar, standplassrutiner etc. Etter felles chili på kvelden var det teori om risikovurdering og litt likt og ulikt.

Fredag hadde eg gleda meg til - då skulle vi på Folgefonna og lufte stegjern, øks og litt diverse. Men fredagen hølja det ned, så då tok vi tilflukt under overhenga på sportsklatrefeltet Mojavato, der planen var kameratredning. Her rota eg og Viktor oss inn i eit svært komplisert (men realistisk!) scenario som tok litt tid med ein del knot. Noko som vart kommentert på evalueringa. Berre å ta til etterretning. Læringsutbyttet var derimot stort, sjølv om eg ikkje akkurat kjem til å gjennomføre dette når eg skal ha kurs sjølv.

© Kristian Starheim

© Kristian Starheim

Dagen etter var det alpin turdag, og denne har fått sin eigen post. Ny rute i nordveggen på Ulvanosi - lang dag i alpint terreng. Meget bra.

Søndagen var klatredag, og planen var å gå ei litt lenger rute på Geitdalstindpillaren. Vi var tre i taulaget + Lars som instruktør, og vi gikk ruta "Sommerfuglen" (8tl grad 5). Utfordringa var først og fremst å ikkje rote seg vekk i tauarbeidet, noko som gikk bra. Opp kom vi innen rimelig tid - fin klatring! Deretter var det løpande ned grashyller og ein rapell tlbake til landjorda.

© Kristian Starheim

© Kristian Starheim

Tidsskjemaet hadde no fått seg ein trøkk, så eg såg allereide no at det kom til å bli ein sein køyretur tilbake til Nordfjord. Etter litt felles evaluering fikk eg tilbakemeldingane frå Trond og Lars. Godkjent kurs, gode pedagogiske evner og god rolleforståing, men meir førebuing på kameratredning og fleire taulengder i kroppenl Det var eg heilt einig i - som einaste småbarnsfar på kurset havna eg bakpå med oppdrifta i møte med dei andre som hadde klatra ganske mykje meir i det siste. Men det tar vi med oss vidare :-)

Eg svinga inn på tunet 04:15, i god tid til barnehagelevering.

Takk for knallbra kurs Sander, Tomasz, Linus og Victor, samt instruktørar Lars og Trond, med lange dagar og masse masse masse læring!