Nedalshytta med familyen (30.06.2018)
Visits of other PBEs | Nedalshytta (780m) | 30.06.2018 |
---|
Fin helg på Nedalshytta med familyen. Målet var å kose seg mest mogleg i det fine høgfjellsmiljøet, ikkje mase om peakbook-element, og gjere seg litt kjent med omgivnadane rundt hytta.
Allerede første dag baud på høgdepunkt då eit redningshelikopter landa på tunet. Mannskapet brukte to timar på å ete ferdig vafla si i finværet, så alle ungane og nokre voksne fekk tatt bilete i helikopteret!
Andre dagen vart det tid til ei lita utflukt langs stien mot Sylstasjonen. Vi satsa på kvalitet heller enn kvantitet, og åt nista vår eit par hundre meter frå hytta og prøvde og ikkje bli etne opp av klegg. Mykje å sjå på bortetter her. Både Eskil, og Kona kosa seg. Olina kosa seg også, i den grad søvn er eit uttrykk for kos. Og det er det jo for denne aldersgruppa.
Stor stas! Vel tilbake kjøpte vi rømmegraut - meget god, og syløl - veldig god, mykje bedre enn Forolhogn-øla.
Til middag var det også rømmegraut. Og eg er jo veldig glad i rømegraut. Svensken på sida var ikkje så begeistra. Eg likar ikkje den der silda heller...
På kvelden tok eg meg ein joggetur over på svensk side, og var heilt heilt stille eit kvarters tid. Det var også deilig.
Mandagen var det avreise, med ein liten stopp på badestranda på Stuggusjøen. Eg syntest det var kaldt, men Eskil bada - den tøffingen.
Alt i alt ei fin helg på flott hytte med fint vær, hyggelig betjening, nok leiker til å holde junior oppteken, og finfin stemning også for minstejenta, som endelig har kome seg over tregrensa.
User comments