Forolhogna og Grøthaugen frå Budalen (29.06.2018)
Start point | Bakksætra (755m) |
---|---|
Endpoint | Bakksætra |
Characteristic | Jogging |
Duration | 3h 00min |
Distance | 18.0km |
Vertical meters | 900m |
Map |
Ascents | Grøthaugen (1,241m) | 29.06.2018 14:09 |
---|---|---|
Storsalen (1,171m) | 29.06.2018 14:09 | |
Forollhogna (1,332m) | 29.06.2018 14:09 | |
Visits of other PBEs | Forollhogna Parkering (755m) | 29.06.2018 14:09 |
Forellhogna - sti fra nordvest (760m) | 29.06.2018 14:09 |
Eg hadde bestemt meg for avspasering og fjellgåing i dag, men værmeldingane var mildt sagt blanda. Det skulle vere finast på ytre nordmøre, men tankane mine vandra til indre strøk. Då eg køyrde over Tillermyra og såg antydning til opplett over Gauldalen holdt eg meg på E6'en den straakaste veg mot Budalen og Forolhogna.
Forolhogna ja. Denne har eg hatt lyst på lenge. Pirrande Pf, relativt nær Trondheim, kan angripast frå Budalen - ein skikkelig trøndersk avkrok, og ein flott nasjonalpark med både fjellrev og villrein. Nydelig utsikt. Mykje er på plass. Kvifor har eg ikkje vore på Forolhogna før? Ja, det spørsmålet kan ein stille om mange ting her i livet.
På vegen opp passerte eg ein veldig stor budalsstol. Eg var altså på riktig veg. I Selbu har dei, som seg hør og bør, ein stor vått. Men no var vi altså i Budalen. Budalen er riktig facinerande der den ligg her høgt oppe i dei trønderske våttane (ikkje slik ein har på handa, som i Selbu), med gardsbruk på gardsbruk stadig nærare tregrensa. Parkerte på den fine støylen, og la i veg opp flott og open bjørkeskog med så mange geiter - dingelingelingeling. Idylliske saker.
Kom etter kvart over tregrensa der det flata ut. Her var det berre å legge på sprang innover. Skiftande vær, med til dels sluddbyger, men også opplett og sol. Nydelig høgfjellslandskap og fin sti! Toppen hadde eg ikkje i sikte i det heile, men alt for langt skulle det ikkje vere. Eg kom etter kvart over på den fine nordryggen, og då var det ikkje lenge før eg var oppe.
På toppen var det direkte ufyselig. Ingen sikt og liten kuling. Rett over frysepunktet. Eg stor i ly av varden og venta på eit brot i skyene. Det kom ikkje, så eg sprang nedatt. Tok ein avstikkar oppom Storsalen. På toppen låg det restar etter diverse smågnagarar, så rovfuglane har tydeligvis hatt eit godt år.
Det var enda tidlig på dag, og eg såg bort på Grøthaugen. Eg tar den også. Ned til Grønlibekken, og deretter inn på stien som passerar Håmmårtjønna. Braut rett vest der stien er på det høgste, derifrå lett til Grøthaugen. Her vart eg møtt av enda ei rimelig ufyselig byge, så ingen utsikt her heller diverre. Deretter strake vegen ned til kvilesteinane. Vil ein berre gå på Grøthaugen kan ein gå rett opp lia frå Kvilesteinane, og kome inn på eit dyretrakk her. Dette kan følgast eit stykke mot toppen.
Tilbake til bilen i god tid, og stakk tilogmed innom Budalen Museum (eller noko slikt) på leit etter tradisjonell budalsmat, som forhåpentligvis hadde rikelig med rømme. Det fann eg ikkje, men her var fleire fine gamle hus, og endatil nokon jernovnar frå gammal tid. Det har vore utvunne jern i Budalen i 2000 år. Tenke seg til, at dei hadde funne Budalen for allereide 2000 år sidan. Det må ha vore den tidas Boven eller JoSo som gikk seg på den (all laften kan tyde på det siste?). Eller Kroksleiven som prøvde å gøyme seg for folk? Vel, slik kan fantasien gå medan ein køyrer E6 den straakaste veg....
User comments