Til Nirvana og tilbake (14.03.2018)

I følge hinduistisk religion det ultimate målet og nå nirvana. Det var også målet vårt i dag.

Nirvana er ei relativt lang linje i Snillfjord, 4 solide taulengder med vedvarande firerklatring. Den er berre inne kvart jubelår, og med Søviknes bak spakane i Olje-og-Energidepartementet kan det bli lenge til neste gong. Den har vore inne i heile vinter, men grunna etc etc etc så har vi ikkje kome oss avgårde for å teste den. Heilt på tampen av sesongen rydda eg og Arve ein dag midt i veka. Sola har byrja å ta i trøndelagen, men isen har jo vore tjukk denne vinteren. Vi tok med ski som plan B.

Det mest moralske ein hinduist kan gjere er likevel ikkje å gå i Nirvana. Det er å sjå inn i Nirvana for så å vende til almuen for å spre deg glade bodskap. Dette var veldig viktig for oss i dag.

Eit blikk frå parkeringa fortalde oss at jaja, dette må vi prøve på. Etter basking gjennom snø, granskau, ur i det som kjendest ut som ei hinduistisk oppstigning, stod vi ved botnen på isen. Det såg jo ikkje så langt ut, men is har ein tendens til å forvrenge perspektiva. Lyset var intenst!

© Kristian Starheim

Eg starta oppover. Det var litt vanskelig å vite kva som var beste linja, og det vart litt fram og tilbake. Isen virka ikkje heilt topp, og det var mykje jobb å få gode økser og bein. Det bratna også bra til, og eg syntest ikkje forholda og oppdrifta var heilt topp.

© Kristian Starheim

Etter nokre meter med bratt klatring klippa eg meg inn på ein skrue. Dette var ikkje kult. Eg kunne skyte ei kvit pil etter ro, harmoni, stabilitet og fred. 150 meter til med dette minna meir uro, ufred, forvirring og lidelse. Arve firte meg ned, topptaua opp og renska skruane. Vi var begge einige om at dette ikkje var klatrebart, så vi returnerte ned dei ulike hinduistiske nivåa tilbake til bilen.

© Kristian Starheim

© Kristian Starheim

© Kristian Starheim

Vi køyrde så til Omfjellet, der vi tok ein tur på Omnfjellvarden i staden. 24 karat utsikt og vindstille. Yes.

© Kristian Starheim

© Kristian Starheim