Favourite trips
Favourite peaks
Bautane
- Date:
- 27.06.2025
- Distance:
- 0.8km
Ute til lunch
En tur for heilt særskild interesserte. Nokre forskremde kråker flaksa krakande i veg av ein forstyrrande inntrenger. Ei dumpa campingvogn, ein skogsveg til eit vedprosjekt som tydlegvis har stoppa heilt opp og ulendt terreng med trevelt på toppen.
Fin utsikt frå åsryggen var den positive beholdninnga.
Skoratinden
- Date:
- 26.06.2025
- Distance:
- 6.8km
Guttetur til Skoratinden i Rovde. Stas å gå att med dissa spreke gutta. Møtte på skodda i toppområdet. La turen oppom Fossanipa og Arehornet på returen. Ulrik og Ørjan tok seg en kjapp dukkert i Myrkevatnet.
Bruna og Kalen
- Date:
- 24.06.2025
- Distance:
- 1.6km
I serien Utanfor allfarveg finn du desse to småtoppane på Bø. Til liks med dei andre kollane her ute på ytre Bølandet har dei har lite besøk og eit heilt kav og mosk å kome seg opp på sjølv om distansen er relativ kort. Myr, stormose, ulendt og partier med tett sikagran. Likefullt eit fasinerande landskap med bratte småkløfter og skrenter som kjem brått på.
Kaupangsholtane
- Date:
- 21.06.2025
- Distance:
- 3.9km
Kaupangsholtane er ein furukledd åsrygg med fine og gode stiar og skogvegar. Gunn og eg gjekk ei runde her under årets Lerum cup. Feira 17års bryllupsdag med cookiekjeks på Kronprins Haralds Plass med kongelig utsikt til Sognefjorden.
Sollia
- Date:
- 07.06.2025
- Distance:
- 8.2km
Gunn og eg på kveldstur til Gurskøyas høgste punkt, Sollia.
Gjekk i frå p-plass Moltudalen. Fin og still kveld. Vindstille på toppen kl 22.40
Oseberget
- Date:
- 06.06.2025
- Distance:
- 4.8km
Fin runde på fantastiske Oseberget og så vidare til Nibben. NM i turvegar her i Ulsteinvik…Pittoresk og reinslig- men ein klok fantast hadde også merka dei gamle råsene i Osebergområdet.
Traff på Gurskøy IL si tidlegare keeperkjempe Egil Rødskar, så vi fekk tid til å mimre litt om Golden Days for nokre kilo sidan
Bakkehammaren og Hillehornet
- Date:
- 03.06.2025
Kjekk runde dette. Syns det er så fint parti å kome nedover mot Hillesteinen. En av favorittane det. Med på tur var Gunski. Happy day
Fin temp, bles litt og lita regnbyge på vegen. Solgløtt også. Rakk å knipse før den var vekk like fort som ho kom
Gyrinakken og Brendeåsen
- Date:
- 01.06.2025
Frå go-kartbana og heimatt, gjennom lysløypa og over Brendeåsen. Med på tur og fremst i løypa var Gunn Cisilie