Søndag 17.09.17 var vi med arrangere Gurskøy IL sitt motbakkeløp Røddalshornet Opp. Familien var med i trimklassa: Pust & pes. Eg var tidtakar og bar saft og vatn til toppen. Det var pust og pes det også.
Konkurranseklassa: Peis På vart vunne av Are Uran og Oline Kleppe. Are Uran slo sin eigen løyperekord.
Starten på løpet gjekk i frå Lysløypa på Leikongsætra.
Ved andre høve kan ein parkere på p-plass rett ved starten på stien. Så er det å følge sti opp bratta. Her var det eit skitrekk på 70-80talet for dei som hugsar det. Toppen av bratta er ein luretopp. Så følgjer ein slakare rygg siste dei 300 meterane.
Sjølv om ein får ein ganske tung stigning i starten, så er det ein fin tur for familier. Men litt pust&pes er det altså.
Råsa går vidare til Storetua og kan anbefalast. Ein annan variant er kombinasjonen med rundtur Storetua, Simavatnet og Skaret og så til Leikongsætra.
User comments