Archiv - Nach Datum
Archiv - Nach Aktivität
- Fußtour (1)
Peakbookfreunde
Lieblingstouren
Lieblingsgipfel
Mørkevatnet - Blåfjellet, Volda, ca. 600 moh
- Datum:
- 01.08.2023
Vi parkerte ved vegen (Stigedalsvegen, rett forbi Stigedalsvatnet) og følgde merka sti opp til Mørkevatnet. Stien gjekk ganske rett opp, særleg i starten, men kort tur til Mørkevatnet. Så gjekk vi sti vidare til Blåfjell, der det var fantastisk utsikt ned i Bjørkedalen, mot Keipen. Fint ver hadde vi og. Eg og Elin ville gå opp turen, før vi skal ha den med gålaget seinare i haust.. Avslutta med bad i Hornindalsvatnet. Då byrja det å regne..
Lavesteinen - Gjegnabu, Gloppen, 1254 moh
- Datum:
- 24.07.2023
T-tur 2023, til Lavesteinen, med Mariann. Litt usikre meldingar angåande veret, men vi starta tidleg, i solskin. Vi parkerte på Hope parkering, 4-hjustrekk på bilen :) Der gjekk vi på skogsveg oppover ei stund, derette sti opp til Lavesteinen. Sidan eg berre hadde vore der ein gong før (over 20 år sidan) og ho ikkje, bestemte vi oss for å gå vidare til Gjegnabu. Ruta var tydeleg merka, og berga var ikkje glatte. Vi hadde nistepause på Gjegnabu, før vi returnerte. Då var det byrja å regne litt, men ikkje så mykje. Det byrja etterkvart å tordne, men heldigvis eit stykke unna. Frå Lavesteinen og ned, derimot, då regna det skikkeleg... Stien var bratt og gjørmete, så vi var glad då vi endeleg var nede ved bilen, våte som kråker og skitne... Men angra ikkje på turen :)
Årdalst.-Bøvassbu-Seime/Rådast.-Årdalst., Gloppen 1229moh
- Datum:
- 08.07.2023
Eg og mamsa gjekk rundtur på Bøafjellet, for å gå opp ruta igjen før turlagstur. (No vart det ingen turlagstur veka etter pga veret, men vi fekk no turen!) Vi parkerte ved Årdalsstøylen og gjekk stien opp til varden og vidare over Blåfjell. Vi gjekk ikkje over høgaste punktet, då ho ikkje ville, og eg ville ha brukt litt lang tid..). Vi gjekk ned til Bøvassbu og langs "kanten" mot Breimsbygda ned og rundt til Seime-Råd-Bøastøylen. Så var det vidare på sti bort og ned til Årdalstøylen igjen. Herleg ver!
Ossætra-Dalssætra, Stad, 422 moh
- Datum:
- 06.07.2023
Tur med Åsta og Anne Jorunn. Vi gjekk frå Osvika, bort skogsvegen, opp skogsvegen mot Taklosætra, deretter opp stien og over brua og opp til Ossætra. Vi gjekk vidare til Dalssætra (T-tur 2023). Tilbaketur ned den vanlege stien frå Ossætra til Osvikja. Fin tur.
Skradinsky Buk - Krka fossefalla, Kroatia
- Datum:
- 30.06.2023
Utflukt til dei idylliske fossefalla i Krka Nasjonalpark. Der var laga til stiar/bruer, slik at ein kunne gå mellom. Vi hadde buss til Stradin, deretter båt til Stradindsky Buk.
Marjanski Telegrin, Split, Kroatia,178 moh
- Datum:
- 28.06.2023
Tur rundt i parken ovanfor Split sentrum (Marjanski). Vi gjekk over haugen (høgaste punktet: Telegrin) og på sti ned til andre sida. Varmt denne turen og...
Elaphite islands, Kroatia
- Datum:
- 25.06.2023
Vi hadde booka ein heil dag ut til nokre øyar (Elaphite Islands) med båt, kajakk og sykkel. Etter båtturen ut til øya Lopud, bytte vi til kajakkar, og padla ut til øya Sipan (ca. 4km). Så var det over til sykkel, der vi sykla til andre enden av øya (Sipanska Luka) og hadde lunsj og badepause, før vi sykla tilbake til Sudurad. På padleturen tilbake til Lopud vart det ein god del bølgjer... Min kajakk vart heile tida dradd mot høgre ("ut mot havet"..), så eg måtte bremse og justere retninga. Dette førte til at eg stadig sakka akterut, og måtte til slutt knyte eit tau mellom min og guiden sin kajakk. Då vart eg dradd inn att på rett kurs. Var ikkje heilt høg i hatten ei stund der, men med den hjelpa gjekk det bra :) Variert og spennande dag!
Mt Srd, Dubrovnik, Kroatia, 415 moh
- Datum:
- 24.06.2023
Nok ein varm tur, frå der vi budde (rett ovanfor muren i Dubrovnik), opp nokre trapper, kryssa vegen og fann stien, som gjekk i svingar oppover fjellsida til Mt Srd. Skikkeleg bra utsikt nedover til Dubrovnik og gamlebyen/muren :) Ned att følgde vi vegen eit stykke, til landsbyen Bosanka. Der gjekk det sti ned på skrå, ned att til Dubrovnik. (Dei fleste andre køyrde opp dit eller tok taubana..)
Fort Royal, Lokrum, Kroatia, 85 moh.
- Datum:
- 23.06.2023
Rundtur på øya Lokrum utanfor Dubrovnik. Vi var opp til høgaste punktet på øya: Fort Royal, som var eit gammalt fort.. Temmeleg varmt, men fin tur, med fleire innlagde badeøkter... Mange påfuglar rundt omkring. Vi var først innom eit museum, der eg måtte prøve The Iron Throne (GOT) :)
Hestefjellet - Blåfjellet, Stad,
- Datum:
- 20.06.2023
14 stk på tur med Stad gålag. Vi køyrde eit stykke opp skogsvegen, gjekk resten til enden av vegen. Der venta vi ei stund, sidan det var nokre som køyrde bilar opp til Heggjadalsvatnet. Dei køyrde litt lenger oppover, til der eg og Elin hadde parkert sist. Som venta, så var det enkelt å gå opp på Hestefjellet, og over toppane (Høgegga og Litlevassegga) og bort på toppen av Blåfjell. Vi gjekk ned att stien, og kom ned der der var varde, merka Blåfjell, og vidare ned (Lagmannen) til enden av Heggjadalsvatnet, der bilane venta. Fint ver på denn turen og!
