Archive - Date

Archive - Activity

Peakbook-Friends

So far I'm not a Peakbook-friend of anyone.

Collected lists

Show all collected lists

Lisjeblæja - (Store-) Blæja, Vanylven 1143 moh

Date:
30.07.2021

Vi var ca 20 stk i følget, m.a. Elin, Anne Tove og Jeanett. Vi parkerte på Londgjerda/Liserøfsdalen. Derfrå var det slakk stigning inn til Røfsdalsvatnet. Der var det ei bra stigning, så opp forbi Jolsvatnet og Raudesteinen og vidare opp på Lisjeblæja. Vi gjekk bort egga og opp på (Store-) Blæja. Litt tåke på toppen, men vi fekk sett mesteparten av den flotte utsikta :) Ein ny varm og fin tur! Retur ned bratt grasbakke, mellom to renner. Toppen er ein av toppane på sikteskiva på Haugsvarden.

Map    

Romsdalseggen, Rauma 1216 moh

Date:
28.07.2021

Turen starta på Venjedalssætra (buss dit frå Åndalsnes). Første delen av turen gjekk opp mange trappetrinn. Då vi kom over skogen, opna landskapet seg meir opp, og vi såg fjellrekka bortover. Så byrja vi oppover, på svingete sti til starten på sjølve Romsdalseggen. Høgt utføre på eine sida, men ikkje på den andre, så det gjekk greitt å gå. Nokre stader var det hengt opp kjettingar, som var fine å halde seg i. Spennande og kjekk tur! Etter pause på Eggen kafe byrja vi nedstiginga på trapper, trapper og trapper, deretter sti med ein del røter... Sidan det var laang kø ved Rampestreken, droppa vi å stoppe for bildetaking der..

Map    

Trollstigen - Bispevatnet, skaret ca1100 moh

Date:
27.07.2021

Vi parkerte ved hytta på Trollstigen, og gjekk stien oppover forbi Bispevatnet og opp til skaret mellom Bispen og Kongen. Sidan det var litt klyving opp til Bispen, og vi ikkje var sikre på korleis det var der, valde vi å snu i skaret. Fin tur, likevel, med retur på andre sida av elva ned att. Så kryssa vi vegen og gjekk opp og bort til der vi såg ned på utsiktspunktet. Der var det sti ned. Fin "kviledag" mellom dei to langturane :)

Map    

Lauparen, Ålesund 1434 moh

Date:
26.07.2021

Eg, Elin og Anne Tove gjekk frå parkeringa ved Grytalisætra, forbi Grytavatnet, opp Trongbotnen og vidare opp til Lauparen. Skikkeleg varmt denne dagen og. Ikkje nåke å seie på utsikta, for å seie det slik... På returen bada vi i Grytevatnet. Lang og flott tur, på ca 15km.

Map    

Naustdalskamben, Eid, 493 moh

Date:
21.07.2021

Konsert på Naustdalskamben i høve Malakoff 2021. Saman med Anne Tove, Thea og Fia (+ 400 andre...) Vi gjekk opp/ned frå Reset. Flott tiltak, med konsert av Sigrid Moldestad med musikarar. Herleg dag!

Map    

Varden, Molde 444 moh

Date:
16.07.2021

Vi måtte ha ein kjapp tur ovanfor Molde, før vi reiste heim att. Lett rundtur på toppane ved Varden. Men for ei utsikt mot fjellrekkja på andre sida av Moldefjorden :)

Map    

Midsundtrappene, Rørsethornet, Molde 659moh

Date:
15.07.2021

2212 trappetrinn, ikkje at verken eg eller Elin telde dei... Det blåste ganske mykje, men ikkje verre enn at vi kunne gå turen, sidan det var fin temperatur. Vi måtte likevel holde oss fast eit par gongar. Vi gjekk vidare opp på Rørsethornet. Fin utsikt utover havet og toppane rundt.

Map    

Innerdalstårnet, Sunndal 1452moh

Date:
13.07.2021

Eg og Elin gjekk inn vegen frå Dalen til Innerdalshytta, der vi overnatta. Neste dag byrja vi på turen opp til Storvatnet, og vidare opp renna i varmt sommarver. (Natta etterpå regna det, og om morgonen låg tåka heilt ned til hytta...) I skaret sette vi frå oss sekkane og gjekk i gong med klatring/klyving opp til toppen. Elin stoppa ca 50m frå toppen. På veg ned att var det greit å ha hjelp frå eit par karar, som kunne støtte foten... Ikkje alltid greit med litt korte bein... Men: kom oss ned att uten store problem. Vi avslutta turen med bading i elva og dusjing ute.. :) Dagen etter gjekk vi ned att dalen. Ein nydeleg dag, flott tur, spektakulær utsikt og kjekt å endeleg nå denne toppen :)

Map    

Ingarsfjellet - Strupen, Gloppen, 592moh

Date:
10.07.2021

"Familietur" i Myklebustdalen, 9 stk. Vi gjekk opp skogsvegen i beitet (like etter starten på bakken, bilvegen). Etterkvart gjekk skogsvegen over i merka sti. Stien gjekk ganske så bratt oppover, deretter utover, under ei rekkje med stup. Vi kom opp under 2.fossen på Strupen. Flott tur med nydeleg utsikt :)

Støyvastøylen, Gloppen, 840 moh

Date:
08.07.2021

Eg og mamsa gjekk opp og ned "Kjerringeråså" frå Skihytta til Støyvastøylen.

Map