Nesset/Lesja: Midttinden

Dato:

05.08.2016

Turtype:

Fjelltur

Turlengde:

2:06t

Distanse:

8,5km

© Ove Lotsberg Kom frå Eira Camping i Eresfjord der vi hadde overnatta. Kjøyrde den spennande Aursjøvegen opp frå Finnset. Kr 100 som betalast med kort. Parkerte ved Ytste Seljefonnbekken. Lise gjekk først, eg styra på med Vinjar som og skulle sove litt. Ho brukte drygt 2 timar på dette prosjektet, så var det min tur. Gjekk opp vest for bekken, over eit snøfelt og så vidare rett sørover mot toppen. Lett skodde rundtom på toppane, men såg no litt. På returen fekk eg tlf frå Lise. Ho hadde observert 2 stk som var på spasertur oppover sida. Kva dei ville der er usikkert, men dei snudde ved snøfeltet og tok ei hårete rute nedover nokre sva. Lise satt klar og skulle ringe 113. Eg såg dei når eg kom over kanten, passerte dei på ca 100 meter. Guten først og jenta etterpå akande på rumpa nedover. >>>

Nesset/Sunndal: Ryssdalsnebba

Dato:

04.08.2016

Turtype:

Fjelltur

Turlengde:

3:58t

Distanse:

10,7km

Rauma/Nesset: Snarketinden og nokre til.

Dato:

03.08.2016

Turtype:

Fjelltur

Turlengde:

6:00t

Distanse:

14,2km

© Ove Lotsberg Kjempefin dag frå Skrukken. Frå parkeringa gjekk det ein sti oppover som vi fulgte eit stykke. Så tok vi av frå denne og gjekk over nokre myrar og inn på stien som går mot Hardskaret. Denne stien var ikkje spesielt god, men gjekk no å følgje på eit vis. Vinjar og eg styra rundt i skaret medan Lise gjekk til Skrokkenfjellet. Når ho om ned igjen gjekk ho og Vinjar opp mot Snarketinden. Det var bratt og litt ekkelt opp frå skaret. Såg på dei medan eg gjekk til Skrokkenfjellet. Så mista eg dei av syne. Tok dei igjen ca 100 meter under toppen og vi gjekk ilag til Snarketinden. Her var det veldig flott! Lang pause i sola med mat og godteri. Vinjar fekk gå lange parti sjølv mot Blåfjellet og vidare nordover. Så gjekk Lise og Vinjar tilbake til bilen, medan eg holdt fram til Fremre >>>

Rauma: Grønhøa og Heimre Storhøa

Dato:

02.08.2016

Turtype:

Fjelltur

Turlengde:

3:07t

Distanse:

12,1km

Transportetappe, 2 toppar utan den heilt store opplevinga. Parkerte ved brua på liten lomme. Ein kar eg snakka med kvelden før sa det var vanskeleg å finne stien oppover og terrenget var krevande. Vel eg fann ein sti som gjekk oppover på austsida av elva, heilt grei å følgje lenge. Når den forsvann var det lett terreng vidare langdrygt til Grønhøa. Så var det berre å peile seg inn mot Heimre Storhøa. Lett terreng heile veien. Retur ned på andre sida av elva. Her var det og veldig fint å gå. Nede på veien vart det nokre få meter å gå ned til bilen. Utruleg nok stoppa det ein bil opp på sida av meg og tilbaud meg skyss. Veldig triveleg, og god stemning inne i bilen. Synd det ikkje var noko poeng sidan eg hadde 100 meter å gå. Men takka voldsomt for tilbodet.

Lesja: Rånåkollen

Dato:

01.08.2016

Turtype:

Fjelltur

Turlengde:

3:00t

Distanse:

4,5km

© Ove Lotsberg Lise og Janne var på Kalskråtinden denne dagen. Vinjar og eg trengde ein lett tur, valget fallt på Rånåkollen. Parkerte på ein ny parkeringsplass på venstresida/sørsida av vegen. Den er merka med P og skilt mot Rånåkollen. Plass til 5-6 bilar. Sikkert meininga ein skal bruke denne og ikkje kjøyre opp til gardstunet. Fulgte den vanlege ruta til topps. Holdt oss langs gjerdet og gjekk rundt marka slik skiltinga oppfordrar ein til å gjere. Litt vind på toppen og ikkje den store kosen. Likavel måtte Vinjar til pers med ei saftige skitbleie. Frisk bris rett i stumpen. På returen fekk han gå mykje sjølv. Hopping og aking i lyngen var dagens store moro.

Rauma/Nesset: Hesteskotraversen

Dato:

31.07.2016

Turtype:

Fjelltur

Turlengde:

8:13t

Distanse:

18,3km

© Ove Lotsberg Rundturar er stort sett alltid kjekke. Meir spennande enn å gå på ein einaste fjelltopp og nedatt akkurat same veien. Denne turen hadde Jan Petter og eg diskutert tidlegare og når veret såg bra ut var det berre å trakke til. God sti frå skytebana i Isfjorden til Loftskarsetra. Før setra tok vi av etter merking til Kyrkjetaket. Fulgte vanleg rute opp dit. Spørsmålet var så 1394-toppen. Satsa på første skaret vest for det lavaste skaret. Då vi kom opp i dette skaret såg vi at det var greitt å gå vidare nord for ryggen/egga. Vidare lurte vi litt på Ivertoppen, men gjekk forbi denne. Kunne gått på nordsida, men dette såg vi ikkje før vi var komne forbi, vi gjekk då litt tilbake og sørom Ivertoppen. Det ligg og ein anna topp mellom Ivertoppen og Klauva som burde vore registrert, >>>

Rauma: Isfjorden - Åndalsnes tur/retur

Dato:

30.07.2016

Turtype:

Spasertur

Turlengde:

5:30t

Distanse:

12,0km

Rauma: Olaskartinden

Dato:

30.07.2016

Turtype:

Fjelltur

Turlengde:

2:28t

Distanse:

5,5km

© Ove Lotsberg Etter å ha trilla med Vinjar tur/retur Isfjorden-Åndalsnes var eg heilt kaputt. Noko meir einsformig enn å gå på asfalt finst vel ikkje! Då Lise kom frå si runde hinta eg fint til Jan Petter om ein liten trimtur utpå kveldinga. Han var sjølvsagt ikkje tung å be. Veret såg brukbart ut, og vi kom oss avgarde ca kvart over seks. Oppover den spennande nordryggen tettna det til med skodde, og så kom regnet. Det bøtta ned medan vi klyvra opp siste hammaren og langa ut mot toppen. Her stoppa vi faktisk ikkje! Starta umiddelbart på nedfarten. Først den vanlege ruta, så etter Jan Petter si eiga rute. Etter eit par hundre høgdemeter fann vi ei flott steinhelle som vi søkte ly under. Sjølvsagt letta det opp, og når vi kom ned til Olaskarsvatnet var det kjempefint igjen. Snakk om uflaks, >>>

Rauma: Morgådalstindane 1179-toppen

Dato:

29.07.2016

Turtype:

Fjelltur

Turlengde:

3:00t

Distanse:

7,5km

© Ove Lotsberg Veldig vekslande ver. Håpet var å klare denne toppen som ein fin kveldstur før regnet kom. Skulle sjølvsagt gått heile rekka, men åleine og med lita tid vart ikkje dette prioritert. Av og til får ein berre ta det som er viktigaste og droppe resten. I dette tilfellet vart det heilt ok. Kjøyrde til Morstøl. Snakka med dama i gardstunet. Skulle berre kjøyre vidare og parkere ved sommarhuset. Der var det folk, fekk ordre av ho om å ikkje blokkere noko. Stien fann eg etter å ha kryssa marka. Den var utydeleg og fuktig i starten, men når eg kom mot elva var den veldig god vidare opp i dalen. Jan Petter hadde dårlege erfaringar med ruta opp. Mykje kratt og elende. Dette såg ikkje bra ut nei. Gjekk lenger inn i dalen enn han gjorde, og peila meg inn på den første enorme steinen midt >>>

Rauma/Nesset: Kjøvskartind, Husnebba og Aksla

Dato:

28.07.2016

Turtype:

Fjelltur

Turlengde:

5:00t

Distanse:

14,0km

© Ove Lotsberg Dag 2 av kort og sein familieferie. Kom frå Vaksvikfjellet og Næremstindane som vi var på onsdag kveld. Kjøyrde bomvei til Kavlisetra der vi parkerte i inngjerda område med 2 bilar. Lise var først og fremst gira på Kjøvskartinden og la i vei umiddelbart. Vinjar skulle sove, og så brukte vi lang tid etterpå inn mot Kavlisetra. Møtte ein grunneigar, ei dame som ikkje hadde mykje godt å seie om dei vanvittige utbyggingsplanane til Rauma Utvikling. Mykje flotte hestar og sauer rundt setra, kjekkt for Vinjar. Gjekk vidare innover og tok av på stien mot Måsvassbu. Etter ei stund ser vi Lise som kjem oss i møte. God pause med mat og godteri før vi skilde lag igjen. Gjekk opp grasbakken i vestsida til sørryggen. Fulgte så ryggen til topps på Kjøvskartinden. Flott temperatur, men >>>