Dag 2: Dagen starta som venta med fantastisk ver og over 20 grader. Heldigvis litt trekk i lufta. Gjekk stien frå Danielbu mot Kleneggen. Stien forsvann ganske snart så vi holdt fram etter kart og eigen vurdering. Gjekk nord for vatn 1379 og dei to kollane i Kaldbotnen. Bratt opp mot skaret mellom Kleneggen og Børa. Vidare eit drygt parti til høgste toppen i Nesset. På topplatået tok vi igjen ein kar med 2 gutar. Den eldste guten på ca 13 år ramla om i steinrøysa eit par steinkast før toppen og vart liggande i protest mot slike toskete prosjekt som dette. Yngstemann feira med far på toppen. Far lirka fram ein boks pæresider og eg fekk iallefall halve i kaffikoppen min. Triveleg kar! Vi byttar bærar, eg tok over junior. Gjekk over Børa og til Kaldbottinden. Litt usikker på kva eg skulle gjere vidare så valde å bli med ned i Kaldbotnen og skille lag med Lise og Vinjar der. Gjekk åleine over Kaldhøa og Raudmyrhøa. Lise returnerte frå Kaldbotnen til bilen saman med Vinjar, og plukka meg opp ved Johanhytta. Store tunge skyer utover ettermiddagen, og rett etter at eg var framme med bilen kom ei saftige bløyte!
Kommentarer