Vi kjøyrde til Berge sør for Fjærland og parkerte på den store parkeringsplassen mellom tunnellane. Dette er same utgangspuktet som helga før då vi enda på Middagshaugen. Gjekk no forbi Fjellstølen og mot Storebotn. På ca 850 m tok vi bratt rett nord mot Nyastølseggi. Det gjekk forsåvidt bra men bratt og hardt gjorde det vanskeleg. Måtte av med skia siste meterane opp på kanten. Vidare til Steindalseggi 1510. Herifrå ned gode 100 høgdemeter før stigninga til Steindalsnipa/Steindalsbreen 1585. Elendig skiføre, isete, sastrugi og gjennomslag. Kan det bli verre? Tilbake på Steindalseggi var vi spente på forholda ned til Storebotn. Det vart dessverre ein skuffelse. Mykje gjennomslag og eit tynnt skarelag øydela den opplevinga. Likavel fin tur i eit veldig flott område. Med på turen var Torleiv (Kroksleiven), Lise, Kjetil (Mbakkjen) og Sylvi.
User comments