Vinterferie hos Johan på Oppdal. Johan hadde rydda i timeplanen sin så det vart 3 dagar med flotte turar. Dagen starta rimeleg bra. Vi parkerte i Grytdalsskardet på parkeringsplass og gjekk brøyta vei til Håkkårsætra. Angra på at vi ikkje kjøyrde lenger. Men når vi kom tilbake var det nokre bilar der, så vi fekk bekrefta at vidare kjøyring eigentleg var for dei som hadde hytte der. Greitt å ikkje lage parkeringskaos likavel då ja. Oppover mot Trollhøtta friskna det på ein del med vinden. Vi glei fort ned til hytta ved Smotta der vi fekk ein velfortjent matpause i le av hytteveggen. Vi var samstemte i å gjere eit forsøk på Grythatten sjølv om toppen ikkje var å sjå. Vi kom greitt opp, men besøket vart kort. På returen nedover tjukkna det ennå meir til så vi berga oss ned i lavare terreng i tide. Ved Håkkårsætra fekk eg haik med ei dame som skulle ut igjen, medan Johan alt var langt borte i veien. Etter å ha samla oss på parkeringa tok vi ein avstikkar til Vora. Fin dag i friskt ver!
User comments