Sunndal: Storkalkinn, Gammelurkollen, Stortågkollen m.m. (27.07.2018)
Start point | Grønvollen (930m) |
---|---|
Endpoint | Grønvollen (930m) |
Characteristic | Hillwalk |
Duration | 10h 53min |
Distance | 31.4km |
Vertical meters | 2,191m |
GPS |
Ascents | Sør for Dalanebba (1,255m) | 27.07.2018 |
---|---|---|
Gammelurkollen (1,384m) | 27.07.2018 | |
Indre Kalken (1,637m) | 27.07.2018 | |
Indre Kalken nordtoppen (1,612m) | 27.07.2018 | |
Midtikollen (1,328m) | 27.07.2018 | |
Storkalkinn (1,880m) | 27.07.2018 | |
Stortågkollen (1,551m) | 27.07.2018 |
Møre og Romsdal pf 100 1156/1161
Som vanleg denne sommaren kunne eg reise på tur etter legendariske vermeldingar. Avtalen var å møte Bjørn Fillipsveen på Grønvollen torsdag kveld, for så å bestige Storkalkinn saman fredag. Kom fram ca 2130, etter REAL vart eg påspandert øl og potetgull. Vi diskuterte litt rutevalg sidan vi hadde ulike tilnærmingar til denne turen. Eg skulle ha 4, Bjørn var fornøgd med 1. Kom oss avgarde ca 0815. Heldigvis var det ein god trekk i lufta som holdt heile dagen. Løysinga vart å rusle litt i lag i starten, så gjekk han inn Skarvdalen og opp mot den bratte kneika nord for Indre Kalken nordtoppen der vi skulle møtest. Eg gjekk mot Gammelurkollen. Då vi skilde lag vart vi einige om at 1230-1300 ca skulle begge være på avtalt sted. Frå Gammelurkollen og nordover var det utruleg flott å gå. Her kan det ikkje være mykje folk, spor var det ikkje å sjå iallefall. Tågvatna låg der som ei perle. Skal tru om det er fisk i vatna? Her er det aktuelt å gå seinare med fiskestanga. Så var det opp bakken austover frå 1255-toppen. Oppe på kanten ser eg Bjørn stå på 1610-toppen. Vi kjem omlag samtidig til avtalt sted. Glimrande. Bjørn starta umiddelbart på kneika, medan eg tok meg eit par skiver. Så rusla vi flata dei knappe 2 km til Storkalkinn. Her var det 2 andre, som gjekk kvar sin tur solo. Vart sittande lenge og prate med dei. Bjørn kjende antydningar til krampe når han sette seg ned og fekk tilbod om doping med han eine karen. Paracet gjekk vistnok rett på låra, og koffeintablett var Speedy Gonzales. Sjølv om faren for dopingtest på Grønvollen var liten takka Bjørn nei til dette tilbodet. På retur vart vi einige om å skille lag der vi møttest på oppover. Bjørn gjekk direkte ned i Skarvdalen og langs vatna på austsida. Eg gjekk over Indre Kalken, Stortågkollen og Midtikollen. Prøvde meg med litt målingar på Midtikollen. Nordtoppen og sørtoppen er omlag like høge. Primærfaktor rett under 100 meter, truleg 97-98. Frå Stortågkollen såg eg Bjørn gå over eit snøfelt på austsida av Skarvvatnet 1203. Gjekk tilbake til Grønvollen og venta ca 15 min før eg såg Bjørn kome stigande. Det var ein sliten mann, men veldig fornøgd med Storkalkinn. Ein topp han ikkje trudde han nokon gong skulle bestige. Det vart raskt spretta ei øl, som var behageleg kjølig. Så då var det bestemt at eg skulle ligge ei natt til der oppe. Takk til Bjørn for øl, potetgull, triveleg samvære og fin tur!
User comments