Møre og Romsdal pf 100 1110/1160 janyga (Jan Arne Nygaard) har gått denne turen, og etter å sjekka rapporten var det klart at eg ville ta denne turen på ein kjempedag vermessig. Overnatta i bubilen ved parkering Eiriksvollen så og seie rett under brua. Stien er litt knotete i starten rundt nokre bøar men godt merka. Etter kvart veldig god sti oppver Falelia. Fulgte denne stien til ca 900 før eg tok av mot Litlsomrungnebbene. Ettersom Jan Arne hadde vurdert egga nordover frå første topp, var eg ikkje ned og kika eingong. Gjekk tilbake og runda rundt nede i sida utan å tape vesentleg høgde. Så over 1704 og lett til Storsomrungnebba. Fantastisk dag på toppane, vindstille og utsikt i alle retningar. Lite besøk så langt i 2018. Vidare til Storsalen, som har 2 punkt. Usikker på kva som er høgaste. Målte begge til ca samme høgde. Skal du hit så gå på begge, det er ikkje langt til det vestlege punktet! (Nye kart pr november 2019 viser at vesttoppen har 1715-kote, det har ikkje austtoppen. Har flytta markøren og lagt inn austtoppen som eget PBE. Den vestlege toppen er kanskje ein halvmeter høgare!) Brukte mange snøfelt nedover mot Tverrådalen. Derifrå på sti resten av turen. Ein klar seksar på terningen.
User comments
rått!
Written by kobbenes 02.07.2018 17:18Det siste biletet av Innerdalen er heilt rått :-)