Vestnes/Rauma: Blåtindane, Svartevasstinden og Trolltinden (29.07.2017)

Møre og Romsdal pf 100 1051/1156
Vestnes pf 100 komplett
JP har lagt ut GPS-spor her: https://peakbook.org/tour/223868/Svartevasstinden+og+Trolltinden.html
Jan Petter kom heim frå campingferie og etter eit par timar stod eg på døra klar for tur! Velget vart Svartevasstinden som vi begge mangla, og vi har diskutert ei stund. Parkerte før Venåssætra, her er ein inngjerda parkeringsplass. Tok sats over nokre myrar og opp gjennom skogen. Etterkvart på hjortetrakk og ei slags merka rute oppom skoggrensa. Første stopp vart Blåtindane, ein veldig flott topp med luftig toppunkt. Kremtopp! Kasse og bok, siste besøk 27.mai, veldig lite besøkt mao. Suste lett forbi dei 2 lavare toppane, JP hadde dei frå før og eg var berre sånn passe motivert. Svartevasstinden var neste. Her møtte vi 2 frå Molde. Dei fekk klatre hammaren før oss, vi trengde litt meir tid å rigge oss til. Veldig fin klatring oppover, gode tak og lister til beina. (Heiter det lister på klatrespråket?) Frå Svartevasstinden skulle vi vidare til Trolltinden. Her gjekk vi usikkra ned i austsida i heilt greie hyllesystem. Det er alstå muleg å nå denne toppen utan klatring! Sklei på skoa siste stykket ned i botnet. Så lett oppigjen til Trolltinden. Det vart ein dryg retur, først ned renna på vestsida, så gjennom det koselige bjørkekrattet, forbi eit telt mitt i myrhelvetet, og så bom på stien langs vatnet, før vi til slutt kom oss ned til Venåssætra. Kjempefin tur i strålande ver og flott temperatur!

© Jan Petter Vad

© Jan Petter Vad